“Falco” apo “I love Tropoja”? Eva Murati flet hapur: Filmi i Bes Kallakut nuk ishte në shijet e mia! (VIDEO)

Ka eksperimentuar shumë dhe ekrani duket se është një pjesë e pandarë e Eva Muratit, pasi ka nisur fillimisht me spotet publicitare të ndryshme, emisionet televizive, por ka një numër rolesh edhe si aktore në disa filma të realizuar vitet e fundit në Shqipëri.

Ndonëse jo pjesë e kastit, por duke i parë me syrin e publikut, Eva Murati ka dhënë mendimin e saj edhe për filmat e fundit të aktorëve të humorit, Bes Kallakut me filmin “Falco” dhe Ermal Mamaqit me fimin “I love Tropoja”, dy prurje të 2019 që kanë tërhequr shumë shikues.

Filmin e Besit e pashë, është një humor që nuk e gjej shumë veten me të thënë të drejtën. Është humor ‘çuna lagjesh’. Filmi I Ermalit më pëlqeu, e pashë, qesha. Më habisin njerëzit kur thonë që shkova, u mërzita. Është një komedi, njerëzit duhet të përgëzojnë edhe Ermalin e Besin që kanë bërë këtë gjë. Në një vend ku nuk të jep shumë mundësi arti, sa mirë që ka individë të tjerë që bëjnë këtë gjë. Nuk jam dakord që kushdo që merr pjesë në këto filma të quajë veten aktor”, shprehet në “Rreze Dielli” Eva Murati.

Vetë Eva Murati ka qenë pjesë e filmit me metrazh të shkurtër "I Jashtëligjshmi", serialit "Skanderbeg", por edhe një sërë rolesh në teatër. 

Rendit zhvillimet sipas orarit:
Ora 12:51
Eva Murati flet 'troç' për koleget e sportit: Është mirë të m’i thoni emrat se… (VIDEO)

Eva Murati është një nga moderatoret më simpatike të ekraneve shqiptare dhe gjithashtu është një nga personat që publiku shqiptar ka më shumë përzemër.

Për Evën, moderimi i një emisioni sportive erdhi rastësisht, por është një punë që i jep kënaqësi, ndërkohë që paralajmëron edhe projekte të reja nga studio e emisionit “Rreze Dielli”, ku ishte ftuar paraditen e kësaj të marte.

Por cili është mendimi i Eva Muratit për moderatoret e tjera të emisioneve të sportit?

-Do të të vë përballë moderatoret sportive më në zë të momentit.

T’i lexojmë emrat se nuk shoh shumë mirë nga larg (qesh).

Hygerta Sako- Kam shumë respekt për Hygertën, është vajzë shumë e mirë, serioze, shumë e përgatitur. Nuk di të them një defekt.

Ilda Bejleri: E kam ndjekur pak, jo shumë, është ok. Natyra e emisionit është pak ndryshe nga emisioni im, ne e bëjmë pak më serioz.

Lei Kraja: Me Lein isha në një darkë mbrëmë. Është shumë e mirë dhe shumë e bukur. Ka marrë një risk shumë të madh përsipër duke ardhur nga një vend tjetër për të punuar direkt në ekran. Unë nuk do ta bëja.

Vjola Spiro: Vajzë shumë e mirë, e përgatitur. Edhe me Vjolën kemi bërë spote publicitare.

Enkelejda Zejko: Është shumë e përgatitur, kam qenë fanse e saj”. shprehet moderatorja.

E ftuar në emisionin “Rreze Dielli” Eva Murati ka pohuar se aktualisht ka edhe oferta për të moderuar të tjerë emisione dhe se “Champions League” do ta linte vetëm për një spektakël.

VIDEO/Intervista e plotë e Eva Muratit në Rreze Dielli në Report TV
D.M./G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Petro Koçi zbulon pse abstenoi për ngritjen e Komisionit parlamentar për sistemin TIMS

Petro Koçi zbulon pse abstenoi për ngritjen e Komisionit parlamentar për sistemin TIMS