Elia Zaharia Zogu feston Krishtlindjet mes vogëlushëve (FOTO)

Aktorja Elia Zaharia ka mbledhur në pallatin mbretëror disa vogëlushë me rastin e festës së Krishtlindjeve.

Ajo u ka lexuar fëmijëve pjesë nga libri i saj “Trëndafili i bardhë”, ku ka treguar historinë e mbretëreshës Geraldinë, nënës së bashkëshorit të tij Princ Leka.

Fëmijët të veshur në mënyrë festive me kapuçët e Babagjyshit janë argëtuar me Elian.

Më pas të gjithë janë kthyer në princesha dhe princa të vegjël me kurora.

Në profilin e saj Elia ka ndarë momente nga festa me vogëlushët, të cilët kanë bërë edhe foto bashkë me Princin Leka.

Kujtojmë që Elia e publikoi “Trëndafilin e bardhë” në Panairin e librit të këtij viti, i cili u prit shumë mirë nga të gjithë.

Nëpërmjet përrallës “Trëndafili i bardhë” autorja rrëfen kohën e artë të fëmijërisë së Geraldinës, vështirësitë në jetën e saj, pasionin për lulet e trëndafilat e bardhë, njohjen me mbretin Zog të shqiptarëve, ardhjen e saj në Shqipëri, martesën, e deri tek lindja e princit Lekë.

Së fundmi ajo do të promovojë librin në Prizren në datën 26 dhjetor, ku fton të gjithë qytetarët që të mos mungojnë.

"Ku ka më bukur se të festosh mes fëmijëve të vegjël që e mbushën shtëpinë me dashuri dhe sollën gëzimin dhe magjinë në këto Krishtlindje", ka shkruar Elia krahas fotove me fëmijët.

TAG:
• Femije
• libri
• elia zaharia
• krishtlindje