Fasule me makarona në tavë dheu nga zonja Albana

Fasule me makarona në tavë dheu

Përbërësit:

• 500 gr fasule
• 250 gr makarona
• 1 qepë
• 2 karrota
• 1 degë selino
• 2 thelpinj hudhër
• 1 degë rozmarinë
• 1 spec djegës
• 2 lgj salcë domate koncentrat
• 4 lgj vaj ulliri
• 1 litër ujë
• Kripë, piper

Përgatitja:

Fasulet të cilat i kemi zjerë me parë u largojmë lëngun. Kaurdisim qepën e grirë imët duke shtuar pak kripë për zbutje. Shtojmë karrotën dhe selinonë të prera në kubikë të vegjël, thelpinjtë e hudhrës dhe salcën e domates. Vazhdojmë kaurdisjen duke rregulluar shijen me kripë dhe piper. Më pas shtojmë rreth 1 litër ujë dhe e lemë të marrë valë. Sapo uji të fillojë të vlojë shtojmë fasulet dhe makaronat. E kalojmë këtë masë në tavë dheu duke shtuar pak spec djegës dhe rozmarinë. E lemë në furrë sa të marrë një cipë të hollë. Sipas dëshirës mund të shtojmë dhe pak salçiçe ose suxhuk.  

MC/Shqiptarja.com

TAG:
• zonjaalbana
• makarona
• fasule
• tradite
• shije