‘Fati’ i Bordit të ushqimeve në Kushtetuese me kërkesë nga PD, Sula: Qeveria ka mbushur arkën me xhepat e qytetarëve në krizë! Drejtësia do triumfojë

 

Ashtu sikurse Bordi i Transparencës, edhe ai i ushqimeve po shqyrtohet në Gjykatë Kushtetuese me kërkesë të Partisë Demokratike. Deputeti i PD-së Dashnor Sula shprehet se shpreson se drejtësia do triumfojë. Ai akuzon qeverinë se nuk ka pasur fare dobi për qytetarët.

“Ne si PD i parashtruam për gati 2 orë, të gjithë kërkesat nga ana e grupit parlamentar. Për gati dy orë u shteruan të gjithë argumentet që është një bord i cili nuk ka sjellë asgjë të mirë sa i përket qytetarëve shqiptarë në aspektin e monitorimit. Produktet sidomos  të shportës janë rritur krahasuar me një vit më parë.

LEXO EDHE:
Berisha jashtë grupit të PD, Kuvendi: Bardhi ktheu vetëm të përjashtuarit gjatë kësaj legjislature, ish-kryeministri s’ka qenë pjesë

Kemi parasysh që politikat që kanë ndjekur qeveritë e vendeve të Evropës Janë efikase dhe konsumatorët janë mbrojtur, kurse në Shqipëri ndodh komplet e kundërta. Jemi i vetmi vend në rajon që s’kemi marrë masa efikase. Qeveria nuk ka interes së uljes së çmimeve por për mbushjen e arkës së shtetit nga xhepi i qytetarëve, në një kohë krize. Kjo qeveri s’ka sjellë asnjë dobi. Pashë një përgjegjshmëri të lartë nga Kushtetuesja. Kemi bindjen që do triumfojë drejtësia, ky s’është interes politik por i qytetarëve shqiptarë.”- tha Sula.

Lajmi kryesor:

‘Fati’ i Bordit të ushqimeve, Gjykata Kushtetuese shqyrton sot kërkesën e PD për shfuqizimin, Sula: Qeveria ka mbushur arkën me xhepat e qytetarëve

G.MO/r.k./Shqiptarja.com

TAG:
• gjykata kushtetuese
• PD
• Bordi i Ushqimeve
• Dashnor Sula