Fier/ Sekuestrohen pasuri me vlerë 1.5 mln euro, dyshohet me burim kriminal! Në pronësi të ish-gruas së të dënuarit për trafik droge

FIER - Policia ka sekuestruar pasuri me vlerë prej 1.5 mln euro, të cilat dyshohet se se rrjedhin nga veprimtari kriminale.

Pas një hetimi prej disa muajsh, autoritetet ekzekutuan vendimin e Gjykatës së Shkallës së Parë për vendosjen e sekuestros preventive ndaj Rudina H. (Zenaj).

Mësohet se kjo e fundit është ish-bashkëshortja e Shaban Zenajt, i dënuar nga drejtësia italiane me 14 vite burg për trafikun e lëndëve narkotike.

Në zbatim të vendimit të Gjykatës u bë i mundur sekuestrimi i pasurive ku vlera totale e pasurive të sekuestruara në Vlorë dhe Pogradec shkon rreth 1.5 mln euro, konkretisht:

- Një bar restorant në Skelë, Vlorë;

- Një apartament në Vlorë;

- Një apartament në Pogradec;

- Një automjet tip "Benz".

Këto sekuestrime pasurore janë në kuadër të procedimit penal, ndaj Shaban Zenaj, si person i dyshuar për kryerjen e veprës penale "Pastrimi i produkteve të veprës penale ose veprimtarisë kriminale".

Vijojnë hetimet dhe verifikimet për evidentimin e pasurive të tjera që mund të jenë në emër të këtij personi dhe të tjerë të lidhur me të.

Gjithashtu disa muaj më parë, Shaban Zenaj ka qenë nën shënjestrën e OFL-së e cila u dërgoi për të plotësuar formularin e deklarimit të pasurisë.

1607075723_Sequence03.00004218.Still012001001.jpg

Bar restoranti i sekuestruar në Skelë të Vlorës

Rendit zhvillimet sipas orarit:
Ora 11:08
Nën sekuestro preventive/ Ky është restoranti i gruas të të dënuarit për trafik droge

Ky është restoranti i Rudina H. (Zenaj) në Vlorë e cila është vendosur nën sekuestro preventive nga policia.

Ajo është sekuestruar pasi dyshohet se burimi i të ardhurave vjen nga veprimtari kriminale.

E.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kiko: 04/12/2020 14:27

    Bar Britania ka 20 vite ne Vlore. Ka fituar me mijra euro ne prone publike ne toke te "zanun".Tani qe ato lokale aty do prishen per tu bere lulishtja,i viet sekuestro?! Tallni menderen me njerzit.

    Përgjigju
  • Ira: 04/12/2020 11:43

    Po Fatmir Kajollit kur i vjen ora.Po Ben Qimes kur i vje ora.Po Kuceve e maceve kur u bje ora.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Këshilli i Europës miratoi rekomandimin për anëtarësimin e Kosovës, Serbia: Skandaloze dhe e turpshme

Këshilli i Europës miratoi rekomandimin për anëtarësimin e Kosovës, Serbia: Skandaloze dhe e turpshme