Filmi i James Bond bashkon VIP-a shqiptare, zyrtarë e ambasadorë

Filmi i James Bond bashkon VIP-a shqiptare, zyrtarë e ambasadorë

Personazhe te njohur shqiptare marrin pjese ne premieren e re te James Bond

Tiranë-Premieria e re e filmit të James Bond me titull ‘S’ka kohë për të vdekur’ ka bashkuar emrat më në zë të showbizit , zyrtarë e ambasadorë shqiptarë. Premiera është shfaqur ditën e sotme në qytetin e Tiranës në kinemanë ‘Millenium’  ku pjesëmarrja ishte e lartë. 

Mungesa e kryeministrit u zëvëndësua nga i biri i tij, Gregor Rama. Ndërkohë, përpos personazheve shqiptarë, spikati prania e dy ambasadorëvë të lartë, Yuri Kim dhe Alastair King-Smith.

Siç duket edhe nga pamjet, vepra e James Bond ka mbledhur një mori personazhesh, të tillë shihen të jenë drejtuesit e drejtësisë dhe policisë, Kryeprokyrori Olsian Çela, kreu i SPAK, Arben Kraja, ministri Bledi Çuçi dhe drejtori i ri i Policisë së Shtetit, Gledis Nano.

Në fjalën e mbajtur në fillim te eventit, Veliaj tha se me premierën e këtij filmi nis edhe një “sprint” marrëdhëniesh mes Shqipërisë dhe Britanisë së Madhe. 

“Kemi kaluar një situatë shumë të vështirë me 2 tërmetet, me pandeminë, por tani është koha që të rihapemi, eshtë koha të festojmë, të njohim miqtë, të fillojmë nga e para dhe është koha të ringrihemi. Me këtë aktivitet të parë, jo vetëm bëjmë prezantimin e ambasadorit të ri britanik në Tiranë, por fillojmë edhe një stinë aktivitetesh, që vetëm fillimin e ka te filmi i sotëm”, nënvizoi Veliaj. 

Ai shtoi se vitin tjetër ku Tirana është “Kryeqyteti Europian i Rinisë”, do zhvillohen rreth 1 mijë aktivitete, shumë prej te cilave do te jenë në bashkëpunim me Britaninë e Madhe.

Ambasadori britanik në Tiranë, Alastair King-Smith tha se kjo premierë filmi, është vetëm fillimi i një bashkëpunimi të mëtejshëm mes Shqipërisë dhe Britanisë. 

“Po e nisim me një nga filmat më të mirë që përfaqëson kulturën britanike, në mënyrë që të afrojmë sa më shumë Shqipërinë dhe Mbretërinë e Bashkuar. Kjo jo vetëm në rangun e qeverive, por gjithashtu edhe bashkimin e njerëzve. Ndaj, do të shohim mënyrat për të ndërtuar marrëdhënie të përbashkëta më të forta dhe më të ngushta mes dy vendeve”, pohoi Smith. 

G.MO/K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Superkupa e Italisë nuk ndryshon format, zhvillohet sërish në Arabinë Saudite

Superkupa e Italisë nuk ndryshon format, zhvillohet sërish në Arabinë Saudite