Fino përplaset me kreun e KPA te 'Ligjet': Ju kemi dhënë paga si askujt tjetër, doni dhe shpërblim! Punën keni bërë (VIDEO)

TIRANË- I ashpër ka qenë deputeti socialist, Bashkim Fino në Komisionin e Ligjeve, pas kërkesës së bërë nga kryetarja e Kolegjit të Posaçëm të Apelimit (KPA), Albana Shtylla për rritje të stafit dhe shpërblime. Një gjë e tillë për Finon nuk është aspak normale, pasi njerëzit të Vettingut janë ndër më të paguarit në Shqipëri.

Ai i është drejtuar ministres së Financave, Anila Denaj që të mos pranojë që të japë shpërblim, pasi sipas tij, kanë bërë punën që u takon.

“Ju keni kërkuar që kur ikën një kryetar, ajo nuk ikën nga puna por është atje anëtare, si cdo anëtare e KPA. Ju thoni ajo kryetarja që iku të marri dy paga shpërblim. Po çjanë gjithë këto shpërblime kryetar. Si ka mundësi që këta njerëzit e vettingut, që ne u kemi dhënë të gjitha si askush tjetër, kërkojnë më shumë para.

Unë do i thoja ministres së Financave të mos jap shpërblim në asnjë mënyrë. Nëse ka bërë detyrën për tre vite shumë mirë ka bërë, punën ka bërë. Të gjitha paratë dalin nga paratë e taksapaguesve shqiptarë dhe janë të tepërta. Investimet në KPA janë mëse të mjaftueshme për të vijuar aktivitetin e saj, dhe nuk jam dakord që të shtohen këshilltarët. 43 veta janë mëse të mjaftueshëm”, tha Fino.

Ndërkohë, në kryetarja e KPA u përgjigj duke thënë se KPA nuk ka bërë asnjëherë shpenzime të tepërta.

“Organet do zbatojnë ligjin dhe jo intepretimin e njerëzve që për mua duhet të jenë të lidhura me dispozitat ligjore. Kolegji ka qenë jashtëzakonisht i përgjegjshëm me shpenzimet. Asnjëherë nuk ka pasur shpenzime të tepërta. Ne s’kemi tre vite që marrim vendime. Vendimi i parë është i qershorit 2018. Dhe gjatë periudhës së pandemisë kemi punuar dhe sapo jemi kthyer në punë kemi dhënë 20 vendime. Dhe atë shpërblimin që na i përmendni përherë kur vijmë në Komision, nuk i jepet Albanës ajo, por procesit te vettingut”, ka thënë kryetarja e KPA Albana Shtylla. 

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 11/11/2020 01:16

    z.Fino doli nje person shume I forte e I vendosur.Sikur te ishte ne krye te FSHF ,nuk do kishte ndodhur bojkoti dhe skuadrat tona do ti detyronte te luanin me mire,por do me pelqente qe kete reagim te kishte edhe per parate qe marrin deputetet kur u mbaron mandati,apo kur bojkotojne kuvendin e megjithate jane paguar.Eshte mire te fillohet me shembull personal nga vetja e koleget.

    Përgjigju
  • Populli: 10/11/2020 14:55

    Edhe nje ket e infermiere e poliklinikave, police , ushtaraket , zjarrfikesit , pastuesit e qytetit Kane punuar gjate pandemise , me rroga per faqe te zeze . Pse u dashka shperblim vetem per keta ?

    Përgjigju
  • Tirona: 10/11/2020 13:21

    Kesaj Albana Shtylles mduket se i ka hyre vetja ne qef dhe po fillon te ngreje bishtin perpjete ,mbas kesaj qe ka kerkuar kesaj dhe gjithe sorollopit te saj familjar duhen te jene nen vezhgim se mos korruptohen , se me sa ka gjasha Ajo do beje korrupsion se nuk i del ajo rroge qe merr dhe nese konstatohet nje korrupsion sa do i vogel i saj apo i sorrollopit te saj , kjo te shkoje direkte ne burg me nje gjykim te shpejte.

    Përgjigju
    • Tirona: 10/11/2020 15:33

      ....Ne vazhdim, mbasi degjova diskutimin e kesaj "Shtylle pej letre" e cila beri nje diskutim te stilit "Berishian" dola me nje konkluzion qe kesaj duhet ti gjeni rrugen per ta larguar nga ai post qe mban qysh tani, se neser do jete vone,nese ajo vazhdon ne ate detyre do tju behet pengese per reformen ne drejtesi.

  • Miranda Halili: 10/11/2020 13:15

    Jepuni paga se lodhen shume . Nuk lexojne fare dosjet . Nuk bashkepunojne per te bere drejtesi por jane si skuader pushkatimi pa gjyq . A i kontrrollon njeri ? A mbajne pergjegjesi per gabimet e renda dhe mos kryerjen e detyres ? cfare jane kasap apo juriste ?

    Përgjigju
  • FATMIRI: 10/11/2020 12:17

    ÇA PAGA DUAN KETA ZAGARET KETA AKOMA VAZHDOJN AVAZIN E VJETER KETA TE GJITH JAN HAJDUT DHE TE INKRIMINUAR NJERZ PA KARAKTER QE GENJEHEN NGA PARAT E PISTA DAVA LANGOSH

    Përgjigju
    • Genc: 10/11/2020 13:08

      Ca je kusheri gjyqtari apo prokurori. Pse or legen gjithe keta Gjinra e Leshra, qe kane nga 20 pallate, me paret e “ketyre taksapaguesve” te Finos se kulluar, kush i hoqi mami jot? Kellef

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Lufta në Ukrainë/ Putin: Do të godisnim avionët F-16 të përdorur nga Ukraina edhe në aeroportet e NATO-s! Scholz: As trupa, as raketa Taurus në Kiev

Lufta në Ukrainë/ Putin: Do të godisnim avionët F-16 të përdorur nga Ukraina edhe në aeroportet e NATO-s! Scholz: As trupa, as raketa Taurus në Kiev