Flakë 'ferri' në Siçili dhe Catania! Autoritetet: Dëme të pallogaritshme, presim përkeqësim! Të vendoset 'burg i përjetshëm' për zjarrvënësit

Me flakë ferri i krahasojnë mediat italiane zjarret që prej 24 orësh po djegin Siçilinë dhe Katanian. Të favorizuara nga temperatura rekord, flakët po terrorizojnë banorët dhe po shkatërrojnë gjithçka që u del para.

Këto pamje tregojnë sesa të pafuqishme janë autoritetet përballë përmasave të mëdha që ka marrë zjarri në Siçili.  Nga Palermo në Catania, fluturimet janë pezulluar për të lejuar ndërhyrjen e helikopterëve të zjarrfikësve. Dëmi, sipas mediave italiane, është i pallogaritshëm, ndërsa presidenti rajonal Nello Musumeci bën thirrje për burgim të përjetshëm për zjarrvënësit.

Në Catania, një zjarr i madh përfshiu periferinë e qytetit. Në përpjekje për tyë mbrojtur shtëpitë e tyre, disa banorë u përballën me flakë të mëdha. Ka pasur edhe momente tensionesh mes qytetarëve dhe ekipeve të shpëtimit, të cilët bënë thirrje për evakuim. Zjarrfikësit janë angazhuar në fronte të ndryshmem ndërsa në ndihmë të tyre po mbërrijnë përforcime nga komandat e tjera siciliane.

15 zjarre të tjerë në zonën e Catania raportohen në zonën midis Paternò, Ragalna dhe Biancavilla, dhe 14 në Calatino.

M.Q./Shqiptarja.com
  • Sondazhi i ditës:

    A mendoni se do të zbatohet kodi etik nga ministrat e kabinetit Rama 3?

Komento


×

Lajmi i fundit

John

Po transportonin 19 emigrantë të paligjshëm, arrestohen 2 persona në Lezhë