Forcat e Ndërhyrjes së Shpejtë Tiranë dhurojnë gjak për fëmijët talasemikë

Thirrjes së Kryqit të Kuq për të dhuruar gjak në ndihmë të fëmijëve talasemikë, këtë të diel iu përgjigjën Forcat e Ndërhyrjes së Shpejtë të Tiranës. Nuk është hera e parë që Policia e Shtetit i është përgjigjur thirrjes së Kryqit të Kuq, për të ndihmuar një kategori kaq në nevojë për gjakun siç janë fëmijët talasemikë.

“Me gjithë situatën e rënduar nga COVID-19, dhurimi i gjakut nuk është diçka e vështirë apo e pamundur, pasi duhet që ne të ndihmojmë me gjakun tonë këtë grup njerëzish për të jetuar normal si ne. Në thelb të misionit të Policisë së Shteti janë humanizmi dhe sakrifica dhe në këtë kontekst u realizua dhe dhurimi i gjakut për fëmijët talasemikë.” – thuhet në reagimin e Policisë së Shtetit në lidhje me këtë akt dhurimi të gjakut.

 

Edhe në ditët e ardhshme, nga strukturat e tjera të Policisë së Shtetit është paralajmëruar se do të vijojë dhurimi vullnetar i gjakut për fëmijët talasemikë. Pavarësisht se ndërgjegjësimi i popullatës ka ardhur gjithmonë e në rritje në lidhje me dhurimin e gjakut për talasemikët, sërish nevojat vijojnë të jenë të mëdha. Angazhimi i Policisë së Shtetit në fushata të tilla është padyshim një mesazh i rëndësishëm jo vetëm për institucionet e tjera shtetarore, por edhe vetë popullatën.

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Zbatimi i hartës së re gjyqësore, Manja pret në zyrë kryeprokurorin Çela dhe kryetaren e KLGJ, Llagami

Zbatimi i hartës së re gjyqësore, Manja pret në zyrë kryeprokurorin Çela dhe kryetaren e KLGJ, Llagami