KATAR 2022/ Spanja 'tërmet 7 ballësh' në Botëror, Furia e Kuqe 'shkërmoq' Kosta Rikën! Alarmohet Gjermania (VIDEO)

Spanjë 7-0 Kosta Rika (Olmo 11', Asensio 21', Ferran Torres 31', 54', Gavi 74', Soler 90', Morata 90+2')

Spanja fitoi 7-0 me Kosta Rikën në ndeshjen e vlefshme për grupin E të Botërorit Katar 2022. "Furia e Kuqe" nuk e vendosi asnjëherë në diskutim këtë duel, duke shënuar që në minutën e 11 me Dani Olmo. Në pjesën e parë Spanja e Luis Enrique do gjente edhe dy herë të tjera golin, me Asensio në minutën e 21 dhe Ferran Torres në të 31 minutë.

Pjesa e dytë është luajtur me të njëjtën ritëm. Torrës në minutën e 54 gjeti dopietën personale. Më pas Gavi në minutën e 74 shënoi golin e pestë, teksa Soler në të 90 minutë shënoi për 6-0. Në minutën e dytë shtesë kishte vend edhe për Moratën, që vuloi fitoren e madhe të spanjollëve.

Me këtë fitore Spanja merr kreun e grupit E me tre pikë, aq sa ka edhe Japonia. Gjermania dhe Kosta Rika qëndrojnë në vendet 2 dhe 3 me zero pikë. Kujtojmë se Gjermania humbi kundër Japonisë në këtë grup.

Renditja:

Golat:

Rendit zhvillimet sipas orarit:
Ora 21:11
Fitorja 7-0 hyn në histori, Spanja thyen rekorde në Kupën e Botës! Gavi krah Pele

Spanja fitoi 7-0 me Kosta Rikën në grupin E të Kupës së Botës "Katar 2022". Kjo fitore është më e thella për "Furinë e Kuqe" në eventet e mëdha. Spanja e Luis Enriques thyen rekordin e Kupës së Botës "Francë 1988" kur në ndeshjen hapëse për të, Spanja fitoi 6-1 me Bullgarinë.

Veç saj, një nga golat e kësaj të mërkure për Spanjën e gjeti edhe Gavi, talenti 18 vjeçar i Barcelonës. Mesfushori debutoi në Kupën e Botës si lojtari më i ri në historinë e Spanjës. Me golin e tij, Gavi bëhet golashënuesi i dytë më i ri në historinë e Kupave të Botës, i tejkaluar vetëm nga legjenda Pele që shënoi në Suedi në vitin 1958, kur kishte 17 vjeç e 249 ditë.

Ora 18:37
VIDEO/ Poker nga Spanja, 18 vjeçari Gavi shënon fluturimthi

Spanjë 5-0 Kosta Rika. Spanjollët shënojnë golin e pestë me Gavin. Në minutën e 74 asisti i Moratas shfrytëzohet bukur nga 18 vjeçari i Barcelonës.

 

Ora 18:16
VIDEO/ Poker spanjoll, 'Furia e Kuqe' shkërmoq Kosta Rikën! Shënohet goli i 4

Spanjë 4-0 Kosta Rika. Ferran Torres shënon golin e katërt në minutën e 54. Dopietë nga sulmuesi i Barçës, teksa Spanja "shkërmoq" kundërshtarët.

 

Ora 17:31
VIDEO/ 30 minuta lojë, Spanja i shënon 3 gola Kosta Rikës

Spanja 3-0 Kosta Rika. Ferran Torres gjen golin e tretë për Spanjën nga pika e bardhë e penalltisë.

 

Ora 17:22
VIDEO/ Aksion model nga Spanja, Asensio gjen golin e dytë! Kosta Rika kthehet me 'këmbë në tokë'

Spanjë 2-0 Kosta Rika. Asensio shënon golin e dytë te Spanja. Pas nje aksioni të bukur në minutën e 21, Jordi Alba pason për Asension, që me një të majtë kalon Navas.

 

Ora 17:14
VIDEO/ 11 minuta lojë, Spanja gjen golin e parë në Botëror! Tiki-taka mahnit tifozët

Spanjë 1-0 Kosta Rika. Skuadra e Luis Enrique ka kaluar në avantazh me Dani Olmo në minutën e 11 të takimit. Kombinime perfekte dhe tiki-taka nga spanjollët, që realizojnë një gol të bukur.

 

S.DH/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Qeveria shpërblim 5 mijë lekë për pensionistët, si e vlerësoni?



×

Lajmi i fundit

LIVE, KATAR 2022/ Më shumë se ndeshje futbolli, Xhaka dhe Shaqiri nga minuta e parë! Fillon Serbi - Zvicër

LIVE, KATAR 2022/ Më shumë se ndeshje futbolli, Xhaka dhe Shaqiri nga minuta e parë! Fillon Serbi - Zvicër