POP 5

Lajmet më të lexuara të 5 minutave të fundit

Sport

Formula 1/ Do e ketë garën e fundit me Mercedes, Hamilton: E mbyll me nder, më pas mendja te Ferrari

Në Abu Dhabi Lewis Hamilton do drejtojë për herë të fundit Mercedesin e tij, pasi shtatë herë kampioni i botës do largohet nga skuderia britanike pas 12 vitesh.

Lewis Hamilton

Fundjava që vjen shënon edhe fundin e Botërorit të Formula 1 për vitin 2024. Në Abu Dhabi Lewis Hamilton do drejtojë për herë të fundit Mercedesin e tij, pasi shtatë herë kampioni i botës do largohet nga skuderia britanike pas 12 vitesh dhe do jetë pjesë e Ferrarit nga viti që vjen.

Në një intervistë të fundit, Hamilton ka thënë se do e mbyllë me nder te Mercedes dhe më pas do mendojë për ekipin e ri.

“Pas 12 vitesh të pabesueshme këtë fundjavë përgatitemi të shkruajmë kapitullin e fundit të historisë sonë me Mercedes. Ishte një udhëtim i pabesueshëm. Kur filluam të punonim së bashku në vitin 2013, nuk mund ta imagjinonim se çfarë do të ndodhte. Shifrat janë mbresëlënëse”, u shpreh Hamilton.

Piloti pranoi se Mercedes i ka dhënë shumë dhe shkon përtej rezultateve.

“Më duhet të pranoj se ky ka qenë kombinimi më i suksesshëm në historinë e F1. Së bashku u gëzuam në momentet e lumtura dhe i kaluam krah për krah të vështirat. Marrëdhënia jonë padyshim shkon përtej statistikave dhe jemi krenarë që kemi punuar së bashku”, shtoi më tej piloti britanik.

Hamilton kërkon podiumin për ta mbyllur me nder përvojën e tij me Mercedesin.

“Kjo fundjavë duhet të jetë një festë e denjë për mua dhe Mercedes. Duam të përfundojmë me një paraqitje të shkëlqyer dhe shpresoj shumë që t’ia dal mbanë të arrij një vend në podium. Dua ta mbyll me nder këtë aventurë me këtë makinë që më dha shumë. Më pas do të mendoj për Ferrari”, tha ai.

Edhe pse në moshën 39-vjeçare, Hamilton premton shumë dhe te "Kokëkuqja" nga Maranello kanë besim se britaniku do drejtojë sa më mirë makinën Ferrari.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55