Friedrich Merz konfirmohet në krye të CDU-së, Basha: Pres të punojmë më afër së bashku për të ardhmen europiane të Shqipërisë

Kreu i CDU, Friedrich Merz

Kreu i CDU, Friedrich Merz

Kreu i Partisë Demokratike, Lulzim Basha, ka uruar Friedrich Merz për konfirmimin në krye të CDU-së. Basha shprehet se pret të bashkëpunojë gjithnjë e më shumë me partinë simotër, në partneritet të fortë për vlerat europiane dhe të ardhmen europiane të Shqipërisë.

"Urimet më të përzemërta për partinë tonë simotër @CDU për konfirmimin e @FriderichMerz si udhëheqësin e saj të ri. @pdshqiperi dhe unë presim të punojmë gjithnjë e më afër së bashku, në partneritet të fortë për vlerat evropiane dhe të ardhmen evropiane të Shqipërisë."-shkruan Basha.

Ish-kreu i grupit parlamentar unionist, Merz, u zgjodh në krye të CDU-së më 17 dhjetor 2021. 66-vjeçari fitoi 62.1 për qind në votimin e parë të anëtarëve në historinë e partisë. Merz kështu fitoi qartë kundër Röttgen-it dhe Braun-it.

Për Merz-in, kjo është përpjekja e tretë për të kryesuar partinë, pasi 66-vjeçari humbi në vitin 2018 përballë Annegret Kramp-Karrenbauer-it, pasardhëses së ish-kryetares së CDU-së dhe ish-kancelares gjermane Angela Merkel.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Presidenti i ri duhet të jetë i PS apo i opozitës?



×

Lajmi i fundit

John

Berisha publikon emrat e kandidatëve për anëtarët e kryesisë së PD-së! Ina Zhupa 'suprizë' në garë