Frymëzuese/ U infektua me COVID! Infermerja shqiptare lind dhe intubohet, e sheh për herë të parë vajzën 1-muajshe

Një histori inspiruese në kohë pandemie është ajo e infermieres shqiptare Silvana Rudaj, e cila ia ka dalë të fitojë betejën me COVID, ndërsa ishte shtatzanë.

Ajo ka sjellë në jetë vajzën e saj ndërsa ka qenë e shtruar për COVID. Rudaj u infektua me COVID në javën e 38-të të shtatzënisë por përkeqësimi i gjendjes shëndetësore, i detyroi mjekët ta intubonin atë.

“Unë u sëmura në fund të marsit, ndërsa isha në javën e 38-të të shtatzënisë. Fillimisht u shtrova në spital për Covid por dhe për anemi dhe hekur të ulët. Unë u shtrova në spital, por isha mirë, derisa situata filloi të përkeqësohej, kisha ethe të larta që me detyruan ta sillja vajzën në jetë me operacion cezarian", tha ajo.

LEXO EDHE:
Gratë shqiptare zgjedhin karrierën e martohen vonë, mjeku turk: KUJDES, ja caku i moshës që s’duhet kaluar për të pasur fëmijë

Në gjendje ende të rëndë, Silvana kalon dy javët e para pas lindjes e intubuar dhe ajo ka mundur që ta shohë të vajzën e saj për herë të parë 1 muajshe.

“Në 24 orët pas lindjes unë bëhem gjithnjë e më keq, ndërsa shtoheshin problemet me frymëmarrjen dhe nuk kishte ardhur ende koha të dilja nga intubimi. Unë vetëm kërkoja me mirësjellje që të dërgoja një mesazh të fundit partnerit tim. Është e vështirë të shpjegosh me fjalë frikën e vdekjes, zemërimin që nuk e kam parë fëmijën tim dhe duhet të bija në gjumë duke rrezikuar të mos zgjohem kurrë.

U përpoqa të komunikoja në çdo mënyrë por askush nuk më dëgjoi. Ishte ferr sepse isha ngulitur në trup, u përpoqa të flas, të lëviz, por nuk munda. Pjesa më e vështirë erdhi më vonë, sepse u ndjeva si një trup i vdekur. Nuk mund të bëja asnjë lëvizje dhe u desh shumë fizioterapi për të mësuar se si të ecja", tha ajo.

Vajzën e saj ishte në gjendje ta përqafonte përsëri në spital kur ajo ishte një muajshe. Një takim i parë me doreza, maskë, syze, por emocioni ishte i pamundur për t'u përshkruar, ka thënë ajo. 

TAG:
• infermiere
• lindje
• shtatzene
• koronavirusi
• intubim
• Silvana Rudaj