Fundjavë e re me rregulla të vjetra! Lokalet hapen, policia i mbyll, pronarët: Rama e dha urdhrin vonë

TIRANE-Rregullat për këtë fundjavë do të jenë të njëjta me të kaluarën për 5 bashkitë që janë ende zona të kuqe dhe për këtë ka ndikuar fakti që këtë javë ka pasur rritje të numrit të të infektuarve me COVID. Por vonesa e urdhrit dhe kontradiktat sollën paqartësi te qytetarët dhe bizneset, lokalet dhe restorantet.

Njoftimin për fundjavën kryeministri Edi Rama e bëri mbrëmjen e djeshme rreth orës 21:30 se e shtuna dhe e diela do të jenë me të njëjtat rregulla si e kaluara pa asnjë ndryshim. "Kjo fundjavë do të vijojë njësoj si e shkuara, ta kaloni sa më qetë" kaq tha Rama.

Por cilat janë rregullat? Sot dhe nesër pensionistët lejohen të dalin lirisht deri në orën 10:00. Të gjithë të tjerët në shtëpi brenda kësaj fashe orare. Prindërit me fëmijët deri në 14 vjeç do të lejohen të dalin lirisht nga ora 11:00 deri në orën 21:00.

Në urdhër theksohet se sot do të qëndrojnë hapur vetëm ushqimoret dhe farmacitë deri në 21:00, por taksitë, lokalet dhe restorantet mëngjesin e sotëm kanë vijuar punën normalisht.

Disa prej menaxherëve dhe pronarëve të lokaleve e restoranteve u shprehën se nuk ishin njohur me urdhrin për fundjavën, pasi u dha nga kryeministri vetëm në mbrëmje vonë. Përballë kësaj situate, policia i ka këshilluar pa i gjobitur duke i mbyllur. Ndërsa prenotimet për fundjavën anulohen.

Të dielën, urdhri thotë se të gjitha janë mbyllur. Të shtunën dhe të dielën ndalohet kategorikisht qarkullimi i automjeteve private. Këto masa janë vetëm për zonat e kuqe, që janë 5 bashki; Tiranë, Durrës, Shkodër, Kurbin dhe Krujë.

Urdhri i ministres Ogerta Manastirliu

Rendit zhvillimet sipas orarit:
Ora 11:40
Pronarët të painformuar, edhe sot lokalet në Tiranë të hapura, policia vetëm i këshillon

Të premten kryeministri Rama njoftoi se masat për COVID-19 gjatë fundjavës do të jenë të njëjta me ato të javës së kaluar, por duket se koha e pakët në dispozicion për të marrë lajmin ka sjellë ngatërresa.

Gjatë një vëzhgimi të bërë nga Report TV gazetari Merin Maçi u shpreh se deri në orën 11:00 shumica e lokaleve në kryeqytet, që është zonë e kuqe, kanë qenë të hapura. Për këtë arsye policia e Tiranës është vënë në lëvizje duke konstatuar këto subjekte.

Për arsyen thelbësore se nuk kanë qenë të informuar është bërë këshillimi i tyre dhe nuk janë gjobitur sipas aktit normativ, por bëhet me dije se në rast se konstatohen sërish hapur do të merren masa administrative, siç është gjoba 1 milion lekë të reja gjobë.

Sakaq zona e Liqenit vijon të jetë e mbyllur për shkak se ka qenë një nga vendet me problematike në javët e fundit. Ndërsa në Tiranë sot duket si një ditë e zakonshme, me qytetarët të cilët kanë vërshuar në rrugë pavarësisht se deri në orën 10:00 lejohen pensionistët, e më pas nga 11:00-17:30 do të jenë për prindërit me fëmijë deri në 14 vjeç.

Sakaq bie në sy se qytetarët në shumicën e rasteve nuk i respektojnë masat për COVID-19.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • VISI: 23/05/2020 19:49

    SHTET PER TE FSHIR BYTHEN

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Shqiptari dhunon gruan dhe djalin e mitur në Itali

Shqiptari dhunon gruan dhe djalin e mitur në Itali