'Fushata' e Metës shkon në Durrës: Pas tërmetit, qyteti është i mbërthyer nga dara e abuzimeve bashkiake

Ilir Meta e çon këtë herë "fushatën e tij" në Durrës për mbrojtjen e të drejtave të sovranit  (durrsakëve) duke akuzuar bashkinë se po abuzon me inceneratorët e Sharrës, ku është vendosur që qyteti i Durrësit të djegë mbeturinat.

Meta e cilëson këtë si një tjetër abuzim të qeverisë  që pa transparencë po shpërdoron me miliona euro nga taksat e qytetarëve të Durrësit.

“Durrësi i martirizuar dhe plot halle nga tërmeti është sot i mbërthyer nën darën e abuzimeve bashkiake. Transparenca, hetimi i thelluar dhe ndëshkimi nga drejtësia i përgjegjësve për shpërdorimin e milionave euro të taksave të qytetarëve të Durrësit është zgjidhja e vetme”, shkruan Meta.

Durrësi duket se është kthyer në vëmendjen e politikës kohët e fundit, ku po aludohet në media se Edi Rama mund të kandidojë në atë zonë. Menjëherë pas kësaj u "caktua" nga Sali Berisha, i ftuar në një studio televizive se aty do të jetë edhe Luzlim Basha. Edhe pse kjo nuk është konfirmuar as nga Rama e as nga Basha, Meta kërkon të bëhet faktor edhe aty, duke nisur fushatën.

Duhet theksuar se para disa muajsh, qytetarët e Durrësit pas javësh vuajtje nga era e keqe dhe "pushtimi" i qytetit nga mbeturinat bashkia gjeti zgjidhjen me inceneratorin e Durrësit, ku u arrit një marrëveshje për përpunimin e mbetjeve të qytetit.

TAG:
• Ilir Meta
• Durres
• sharrë
• inceneratoret