POP 5

Lajmet më të lexuara të 5 minutave të fundit

Kronikë

Gara për Kryeprokuror/ Shtyhet pa afat verifikimi i kandidatëve, Ibrahimi: Presim të kalojnë në Vetting

Në shkurt kreu i KLP Genti Ibrahimi deklaronte se në qershor do të ishte gati lista e kandidatëve për Kryeprokuror, ndërsa këtë të hënë më 17 qershor KLP e drejtuar prej tij e ka shtyrë sërish afatin. Shkak është bërë mos përfundimi i procesit të vetting për kandidatin në garë, prokurorin Olsian Cela.

Dhe pse ishte paralajmëruar si muaji që do të përzgjidhte tre kandidatët për Kryeprokuror e më pas do ti dërgoheshin parlamentit për votim, kjo nuk ndodhi as këtë të hënë më 17 qershor. Këshilli i Lartë i Prokurorisë votoi me shumica votash, shtyrjen e afatit që skadonte sot pasi ende nuk ka kaluar në vetting kandidati Olsian Çela. Ndërsa interesit të medias kreu i KLP-s Ibrahimi ju përgjigj se i ka dërguar një shkresë komisionit të vettingut për të përshpejtuar hetimin dhe vendimin për Olsian Celën.

"Për Prokurorin e Përgjithshëm, pyetja duhet shtruar pranë KPK e jo KLP. Kemi çuar një shkresë ku kërkojmë përshpejtimin e këtij procesi. Sikur e dini është proces voluminoz që kërkon kohën e vet, jam i bindur që KPK po bën maksimumin, mund të mbaroj edhe nesër" tha ai.

Ibrahimi kërkon nga kreu i KPK-s znj. Genta Tafa vlerësimin e Çelës brenda 30 ditëve duke nisur nga data 8 maj. Nëse vettingu do të ndikojë dhe në vonesën e ngritjes së SPAK pasi më parë se të klasifikohen duhet të kalojnë në vetting prokurorët, Ibrahimi tha se sot nuk mund të jap një përgjigje.

"Nuk jam i përgatitur për të dhënë një përgjigje për SPAK, është një proces voluminoz është ende në vijim". Në garë për kryeprokuror janë, Arta Marku e cila e mban këtë post aktualisht, Fatjona Memcaj me vetting të kaluar, Olsian Cela në pritje të vetting dhe avokati Lulzim Alushaj.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

25 Prill, 01:01