Gjendjet i vdekur një peshkatar në Lagunën e Karavastas, dyshohet se vdiq nga rrufeja

Gjendjet i vdekur një peshkatar në Lagunën e Karavastas, dyshohet se vdiq nga rrufeja

DIVJAKË- Një 46-vjeçar është gjetur pa shenja jete në orët e para të mëngjesit të kësaj të diele në Lagunën e Karavastas, ku dyshohet se është goditur nga rrufeja.

Burime për Report Tv bëjnë me dije se ka ndërruar jetë Agim Shkoza, i cili ishte peshkatar jo profesionist. Sipas informacioneve paraprake, Shkoza u godit nga një rrufe në orën 06:00 të mëngjesit të kësaj të diele, e ndërsa trupi i tij i pajetë u gjet rreth orës 12:00 nga peshkatarët e tij.  

Aktualisht trupi i tij ndodhet në morgun e spitalit të Lushnjes për ekspertizë mjeko-ligjore.

Njoftimi zyrtar i policisë

Në orët e para të mëngjesit, në Lagunën e Karavastas është gjetur pa shenja jete shtetasi A.Sh, 46 vjeç, banues në Divjakë.

Nga veprimet e para hetimore rezulton se 46-vjeçari ka qenë duke peshkuar me varkë në lagunën e Karavastasë dhe gjatë natës dyshohet të jetë goditur nga një shkarkesë elektrike (rrufe).

Po kryhen veprimet procedurale dhe hetimore për zbardhjen e plotë të ngjarjes.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Të hapur për takime të reja...çfarë thonë yjet për ju sot

Të hapur për takime të reja...çfarë thonë yjet për ju sot