Gjermania drejt një shterrethimi tjetër, Merkel kërkon bashkëpunimin e Bundestagut

Gjermania drejt një shterrethimi tjetër, Merkel kërkon bashkëpunimin e Bundestagut

Ministrat e qeverisë gjermane kanë miratuar një ligj të ri që i jep Berlinit fuqinë për të vendosur masa kufizuese anti-COVID në të gjithë vendin.

Nëse deputetët kalojnë legjislacionin, kufizimet do të futen automatikisht në rajonet të cilat kanë shënuar rritje të konsiderueshme të COVID-19.

Shtetet do të jenë akoma në gjendje të vendosin rregulla më fleksibël në rajone me më pak se 100 raste të reja për 100,000 banorë.

Kjo do të jetë hera e parë që qeveria qendrore do të hyjë në kompetencat e landeve, pasi prej javësh krerët e tyre kanë refuzuar të fusin rajone në shtetrrethim të fortë pavarësisht kërkesës së qeverisë.

Kancelarja Angela Merkel ka paralajmëruar se ligji është i nevojshëm pasi situata në Gjermani po bëhet përditë e më shumë kritike pavarësisht masave të shumta kufizuese.

“ Shërbimet e emergjencës në të gjithë vendin janë të tej mbushur dhe kjo është shenjë për të treguar sesa serioze është situata. Dhe të gjithë duhet ta marrim seriozisht. Vala e tretë e pandemisë ka goditur fuqishëm vendin tonë."

Ministrat ranë dakord që kompanitë do të duhet t'u ofrojnë të gjithë punonjësve që nuk janë duke punuar nga shtëpia të paktën një test për COVID-19 çdo javë dhe se prindërit do të marrin leje të paguara për t'u kujdesur për fëmijët që nuk mund të shkojnë në shkollë për shkak të pandemisë.

Që nga fillimi i pandemisë, Gjermania ka regjistruar më shumë se 3 milion të infektuar dhe 78,746 viktima nga COVID-19.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Berisha me zë Gazi!

Berisha me zë Gazi!