Bashkimi Evropian e intensifikoi luftën për sundim të ligjit në Poloni më 5 qershor, kur gjykata më e lartë e bllokut evropian e konfirmoi se Varshava nuk i kishte respektuar rregullat e BE-së për pavarësi të gjyqësorit.
Lidhur me këtë akuzë, Polonia, anëtare e BE-së, tashmë ka humbur mbi gjysmë miliardë euro në gjoba.
Gjykata Evropiane e Drejtësisë vendosi të hënën se reforma e drejtësisë e Polonisë e vitit 2019 ka shkelur ligjin e BE-së pasi Komisioni Evropian, dega ekzekutive e bllokut evropian, pretendoi se Gjykatës së Lartë polake i mungonte pavarësia dhe paanësia.
“Me vendimin e sotëm, Gjykata e lë në fuqi veprimin e Komisionit”, thuhet në një deklaratë të Gjykatës Evropiane të Drejtësisë.
Mosmarrëveshjet mes Polonisë dhe Bashkimit Evropian lidhur me reformat gjyqësore në Poloni ka kohë që kanë filluar.
Më 27 tetor të vitit 2021, Gjykata Evropiane e Drejtësisë kishte vendosur që Polonia t’i paguante një milion euro në ditë për shkak se refuzoi ta pezullojë funksionin e Dhomës Disiplinore të Gjykatës së Lartë.
Mosmarrëveshjet mes BE-së dhe Polonisë u shtuan në tetor të vitit 2021, kur Gjykata Kushtetuese e Polonisë vendosi që të hedhë poshtë parimin e përparësisë së ligjit të BE-së mbi legjislacionin kombëtar, në çështje të caktuara gjyqësore.
Gjykata Kushtetuese kishte thënë se disa nene të traktatit të BE-së nuk janë në përputhje me Kushtetutën e Polonisë. Dhe, sipas saj, gjykatësit polakë nuk duhet ta përdorin ligjin e BE-së për të vënë në dyshim pavarësinë e kolegëve të tyre.
Vendimi shkaktoi një kundërshtim të ashpër nga Brukseli dhe zyrtarë të lartë të BE-së i kujtuan Polonisë se "një nga shtyllat e BE-së është përparësia e ligjit të BE-së". REL
Lajme të tjera
-
BE rrit përkushtimin për zgjerimin e bllokut në prag të samitit të Granadës
3 Tetor, 17:00 -
Hyjnë në fuqi tarifat e reduktuara 'roaming', BE-Ballkani Perëndimor
2 Tetor, 20:39 -
Diplomatët e Bashkimit Evropian takohen në Kiev për të mbështetur Ukrainën
2 Tetor, 16:47 -
Pas takimit me shefat e BE, reagon kryediplomatja gjermane: Serbia urgjentisht të tërheqë forcat e armatosura në kufi me Kosovën
2 Tetor, 16:23 -
Erdogan: Turqia nuk pret më asgjë nga BE-ja
2 Tetor, 16:01 -
Qeveria e Kosovës: Serbia ka vendosur afër kufirit artilerinë e rëndë e sisteme kundër-ajrore! Thirrje Vuçiç: Tërhiq menjëherë trupat ushtarake
30 Shtator, 12:34 -
Orban kundër Ukrainës në BE: S’ka negociata me një vend që është në luftë
29 Shtator, 11:00 -
Parlamenti Europian do të debatojë të martën për sulmin në veri të Kosovës
28 Shtator, 20:24 -
DASH dënon sulmin në Veri të Kosovës: Nuk mund të barazohet vrasja e policit me atë të sulmuesve serbë! Autorët të dalin para drejtësisë
28 Shtator, 19:40 -
Sulmi në Veri të Kosovës, BE kritika Serbisë për ditën e zisë: Nuk mund të barazohen terroristët me viktimat e terrorizmit
28 Shtator, 15:55 -
Von der Leyen për emigrantët në Lampedusa: Europa do të vendosë se kush do të vijë, jo trafikantët
28 Shtator, 12:15 -
Vrasja e policit në Kosovë, Rama: Serbia përgjegjëse, BE të dënojë shpalljen e zisë për terroristët, s'nevojitet hetim! KFOR të marrë në kontroll veriun
28 Shtator, 11:49
