Pas disa orësh kërkimi arrestohet Arbër Kote, autori i plagosjes në Durrës, ku mbeti i vrarë 33-vjeçari Idajet Dulla. Një sherr i çastit për zënien e rrugës, ka bërë që Arbër Kote të nxjerrë një thikë dhe të qëllojë në zemër Idajet Dullën, 33 vjeç, i cili humbi jetën në spital, duke mos i mbijetuar dot plagëve.
Pas arrestimit Arbër Kote është shfaqur i penduar për vrasjen duke thënë para grupin hetimor se sherri ka nisur për një parkim të gabuar të makinës.
Sipas dëshmisë së Kotes, ai thotë se viktima e ka fyer dhe qëlluar me grushte disa herë dhe për vetëmbrojtje ka nxjerr thikën dhe e ka qëlluar.
“I kërkova të më lironte rrugën sepse kishte parkuar keq, ai reagoi shumë ashpër. Më fyeu dhe më qëlloi me grushte. Për vetëmbrojtje nxora thikën dhe e qëllova pasi më goditi disa herë. Jam penduar që lejova që konflikti të përshkallëzonte, pasi duhet ta kisha toleruar. Por më fyeu dhe shau shume keq”, ka thënë Kote para grupit hetimor.
Ngjarja e rëndë ka ndodhur pasditen e djeshme ku viktima, Idajet Dulla dhe Arbër Kote, 26 vjeç, banues në Durrës janë konfliktuar për një vend parkimi të zënë dhe gjatë sherrit Kote nxori thikën duke e qëlluar 33-vjeçarin.
Pas ngjarjes së rëndë, Kote u arratis në këmbë, por që u arrestua nga policia disa orë më vonë. Mësohet se Arbër Kote është djali i drejtorit të burgut të Durrësit, Astrit Kote, i cili favorizoi lirimin para kohe të Lul Berishës.
Viktima Idajet Dulla ishte me profesion shofer, i një autoboti në kompani private, ndërsa autori shofer i autobusit që dërgonte punëtorët në një fasoneri.
Arbër Kote do të përballet në gjykatë për veprat penale "Vrasja me dashje" dhe "Mbajtja pa leje e armëve të ftohta".
Viktima Idajet Dulla Viktima Idajet Dulla dhe autori i arrestuar Arbër Kote
Një ditë pas ngjarjes së rëndë në zonën e plazhit ku mbeti i vrarë Idajet Dulla pas një sherri për parkimin e keq, banorët shprehen se këto sherre janë të zakonshme në këtë rrugë. Ata shpreh për Report Tv se kjo rrugë është shumë mbingarkuar duke rrezikuar edhe jetën e banorëve dhe fëmijët kur kalojnë, ndërsa shtoi se parkimi i keq duke bllokuar rrugën ndodh shpesh në këtë aks.
Orët më problematike për to janë mëngjesi dhe 15:00-16:00 kur njerëzit kthehen nga puna. Prania e fasonerisë gjithashtu ka shtuar fluksin e mjeteve dhe parkimeve.
"Orët më problematike janë të fluksit të lartë në mëngjes dhe në drekë kur dalin nga puna. Ne që lëvizim me biçikleta rrezikohemi, por tolerojmë duke i hap rrugë njëri tjetrit. Mirë do ishte prania e një polici këtu", tha një banor.
"Parkimi nga dy krahët është pika probleme se ngushtohet rruga shumë, të paktën të pozicionohen në një krahë, duhet një rregull se është problematike e theksuar", tha një tjetër.
"Qarkullimi bëhet shumë i rëndë se është edhe fabrika këtu, ka shumë probleme. Të vish në orën katër këtu është probleme i madh", tha një tjetër.
Njoftimi i vdekjes për Idajet Muharrem Dulla
Viktima Idajet Dulla vendi ku ndodhi ngjarja dhe autori Arbër Kote
Arbër Kote shfaqet i penduar pas vrasjes së 33-vjeçarit Idajet Dulla. Pas arrestimit ai ka thënë para grupit hetimor se sherri ka nisur për një parkim të gabuar të makinës. Sipas dëshmisë së Kotes, ai thotë se viktima e ka fyer dhe qëlluar me grushte disa herë dhe për vetëmbrojtje ka nxjerr thikën dhe e ka qëlluar.
“I kërkova të më lironte rrugën sepse kishte parkuar keq, ai reagoi shumë ashpër. Më fyeu dhe më qëlloi me grushte. Për vetëmbrojtje nxora thikën dhe e qëllova pasi më goditi disa herë. Jam penduar që lejova që konflikti të përshkallëzonte, pasi duhet ta kisha toleruar. Por më fyeu dhe shau shume keq”, ka thënë Kote para grupit hetimor.
Arbër Kote
Ky është Arbër Kote, autori i vrasjes së 33-vjeçarit Idajet Dulla në Durrës.
Një sherr i çastit për zënien e rrugës nga ana e Arbër Kote me mjetin e tij ka bërë që ky të nxjerrë një thikë dhe të qëllojë në zemër Idajet Dullën, 33 vjeç, i cili humbi jetën në spital, duke mos i mbijetuar dot plagëve.
Komente
Lajme të tjera
-
Asnjë gjurmë nga 3-vjeçari në Durrës, 6 ditë i zhdukur! Kërkime në Has, në kërkim gjyshja, pranga vëllait të saj
18 Prill, 09:48 -
Aktorit Mirush Kabashi i jepet titulli 'Qytetar Nderi' i Durrësit (Foto)
17 Prill, 19:32 -
Një ditë më parë djali vrau nusen, ndërron jetë nëna e autorit në Pejë
17 Prill, 14:51 -
I ati i vrau nënën, vajza e Gjyljeta Ukella prin protestën me qindra qytetarë në Kosovë
17 Prill, 14:24 -
Nuk dihet fati i 3-vjeçarit në Durrës, prej 5 ditësh i zhdukur! Nëna e të miturit denoncoi gjyshërit, dështojnë kërkimet e policisë
17 Prill, 13:42 -
U-21/ Sherri në Erzeni-Partizani, 4 futbollistë në hetim! Burime: Lojtarët lanë spitalin pas mjekimit
17 Prill, 13:38 -
Prezantohet projekti i Manchester City në Durrës, gati brenda një viti! Rama: Sjellim edhe akademinë e tenistit Rafael Nadal
17 Prill, 12:11 -
Vrasja e 15-vjeçarit Fatjon Bici në Gramsh, Prokuroria kërkon 12 vite burg për autorin e mitur
17 Prill, 10:37 -
Media italiane: Eksploroni destinacionet më të mira të pushimeve në Shqipëri
17 Prill, 09:20 -
VIDEO/ Grushta dhe dhunë në Shijak, degjeneron dueli i U-21 mes Erzenit dhe Partizanit! Dy futbollistë në spital, 20 në polici
16 Prill, 16:30 -
“S’do vdesim me zor!”, të pastrehët e tërmetit 5 vite në pritje të rindërtimit në Durrës
16 Prill, 15:21 -
Nxënësit artistë të Durrësit vënë në skenë operën gazmore “Dasma e Figaros”, mirëpritet nga publiku
16 Prill, 11:06
Ku e gjeti thiken ky. Pse e mbaka me vete ky klysh.
PërgjigjuA jane kontrrolluar kamerat e zones ,per te vertetuar deklaratat e vrasesit per perleshjen me grushta?
PërgjigjuDuhet shpallur gjendje te jashtezakonshme, kush kapet me arme duhet te ekzekutohen, kush vret te varet, kush rreh gruan duhet pushkatim, sot jo neser,
PërgjigjuCa bohet ktu mer per dit vrasje shteti ne gjum ah medet per popullin e shkret
PërgjigjuCa faij ka shteti qe maloku del si herkuli o robo,