Grabitja e farmacisë dje në Tiranë, ky është momenti kur autori largohet i qetë nga vendngjarja (VIDEO)

Ky është momenti kur autori i grabitjes së një farmacie mbrëmjen e djeshme largohet nga vendngjarja. Grabitja ndodhi rreth orës 21:00 pas shkollës "Sami Frashëri" në Tiranë. Siç shihet nga pamjet e siguruara nga gazetari i Report Tv, Sokol Dema, autori largohet i qetë pasi ka mundur të marrë lekët mbi banak të këtij biznesi.

21-vjeçari Kristi Çinari autori i grabitjes së institucionit financiar Kredo.al 3 ditë më parë në Tiranë, dyshohet se mund të jetë autori i grabitjes së sotme.

Sipas burimeve nga policia, mënyra e grabitjes është e ngjashme me dy të tjerat. Në brendësi të farmacisë ai ka hyrë vetëm, ndërkaq nuk dihet nëse ka patur persona të tjerë që e kanë pritur jashtë. Deri tani dyshohet se ka marrë një shumë prej rreth 20 mijë lekësh.

Policia ka marrë pamjet e kamerave të sigurisë së farmacisë dhe po ashtu të bizneseve në afërsi për të zbardhur ngjarjen. Ai është kapur nga kamerat e farmacisë dhe duket se ka qenë i maskuar. Përballë tij ndodhet farmacistja e cila duket e tmerruar pasi është strukur dhe ka mbledhur duart nga frika.

Ndërkohë janë ngritur pika kontrolli në disa zona kyçe dhe në hyrje-dalje të Tiranës.  Si pasojë e errësirës grabitësi ka mundur të largohet me shpejtësi në mes të rrugicave. Ende nuk ka detaje të tjera, por policia ndodhet në vendin e ngjarjes.

Momenti i grabitjes së farmacisë

Rendit zhvillimet sipas orarit:
Ora 10:38
Autor i dyshuar i grabitjes së Kredo.al dhe dy farmacive, 21-vjeçari poston foto armësh, parash e makinash luksoze në rrjete sociale

Kristi Çinari, 21-vjeçari i cili është autori i dyshuar i disa grabitjeve në Tiranë, reklamon jetën e tij në në Facebook.

Ai poston foto të parave, armëve e makinave luksoze. Këto të fundit nuk janë në pronësi të tij.

Çinari është autor i dyshuar i grabitjes së institucionit financiar Kredo.al 4 ditë më parë si dhe të vjedhjes së dy farmacive, një në vitin 2017 dhe një mbrëmjen e djeshme në kryeqytet.

E.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Me kërkesë të Rithemelimit, mblidhet sot Sekretariati i Etikës: Anuloni votimin e 7 marsit, ligjet u kaluan pa kuorum

Me kërkesë të Rithemelimit, mblidhet sot Sekretariati i Etikës: Anuloni votimin e 7 marsit, ligjet u kaluan pa kuorum