Grabitja e Kredo.al, policia identifikon autorin e dyshuar! Në kërkim 21-vjeçari, kishte pak kohë që kishte dalë nga burgu

Tre ditë pas grabitjes së institucionit financiar Kredo.al në Tiranë, policia ka mundur të identifikojë autorin e dyshuar të vjedhjes.

Bëhet fjalë për një 21-vjeçar i cili është shpallur në kërkim ndërkohë që policia e identifikojë përmes kamerave të sigurisë përgjatë kësaj zone.

Gazetari i Report Tv, Sokol Dema raporton se i riu ka pak kohë që ka dalë nga burgu i cili ishte i dënuar për vjedhje.

Ndërkohë policia njofton se 21-vjeçari Kristi Çinari është autor i vjedhjes dhe të një farmacie në Tiranë në vitin 2017.

"Specialistët për Hetimin e Krimit në Komisariatin Nr.1 në bashkëpunim me Komisariatin e Policisë Nr.4, bënë të mundur identifikimin dhe shpalljen në kërkim të shtetasit K. Ç., 21 vjeç, banues në Tiranë. Ky shtetas dyshohet si autor i dyshuar i vjedhjes së filialit të një institucioni për dhënie kredisë me datë 23.01.2021 si dhe si autor i vjedhjes së një farmacie me datë 21.01.2021" - njofton policia.

Ngjarja ndodhi më 23 janar në kryqëzimin e Porcelanit në rrugën ‘Bardhyl’ në Tiranë. Në institucionin financiar privat, Kredo.al, është marrë një sasi parash, mbi 1  mln lekë (të vjetra) duke kërcënuar punonjësit me armë.

1611672413_kristicinari.jpg

Kristi Cinari

Rendit zhvillimet sipas orarit:
Ora 12:28
Grabiti institucionin financiar në Tiranë, 21-vjeçari autor i vjedhjes me armë një farmaci në vitin 2017 (VIDEO)

Kristi Çinari, autori i dyshuar i grabitjes së institucionit financiar Kredo.al është autor i një tjetër vjedhje në Tiranë në vitin 2017.

Bëhet fjalë për vjedhjen me armë të një farmacie në ‘Rrugën e Kavajës’. Çinari së bashku me Foti Kristalin, 18 vjeç asokohe hynë brenda një farmacie dhe kanë kërcënuar me armë punonjësen duke i marrë xhiron ditore.

Njëri nga grabitësit i drejton armën farmacistes, ndërsa tjetri, i cili nuk kishte armë, kontrollon sirtarët për lekë. E frikësuar farmacistja i nxjerr të gjitha lekët.

Ndërkohë edhe grabitësi i dytë shkon të sirtari tjetër për të marrë para. E gjithë grabitja ka ndodhur për 40 sekonda. Grabitësit hyjnë në farmaci në orën 18:58 minuta e 42 sekonda dhe dolën jashtë në orën 18:59 minuta e 22 sekonda.

Vetëm një ditë pas grabitjes u arrestua Kristi Çinari. Kjo për faktin se 18-vjeçari kishte shkelur masën e sigurisë “Arrest Shtëpie” pasi ishte dënuar më parë për vjedhje.

Policia nuk kishte dijeni se ai bashkë me një shokun tij, kishin qenë autorë e grabitjes, por pas kontrollit të kamerave të sigurisë dhe provave të tjera është vërtetuar se dy 18-vjeçarët kanë kryer grabitjen e farmacisë. Policia ka gjetur në banesat e tyre edhe rrobat e grabitjes.

Dy të rinjtë akuzohen se kanë vjedhur edhe farmaci të tjera në Tiranë. Gjithashtu Burime nga policia për Report TV bëjnë me dije se Foti Kristali dhe Kristi Çinari u hetuan edhe për disa grabitje të tjera që kanë ndodhur në kryeqytet, siç janë marketet apo dyqanet e vogla.

1611660296_farmaci.jpg

E.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Toni TIRANE: 26/01/2021 23:05

    Hiqeni qafen kete qenin

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Xabi Alonso drejt rinovimit, Liverpool hedh sytë te trajneri portugez

Xabi Alonso drejt rinovimit, Liverpool hedh sytë te trajneri portugez