Grabitja në Rinas, Gent Sejko: Përsëritja e këtyre ngjarjeve ndikim negativ në imazhin e vendit

Gurvenatori  i Bankës së Shqipërisë Gent Sejko ka prezantuar gjatë mbledhjes së komisionit të ekonomisë, raportin e BSH për 2018. Pas përfundimit të këtij prezantimi Sejko foli lidhur me grabitjen e ndodhur në datë 9 Prill.

Ai tha se përsëritja e ngjarjeve të tilla është në dëm të imazhit të vendit dhe shtoi se nëse ngjarje të tilla do të përsëriteshin shpesh kjo do kishte kosto jo vetëm për sistemin bankar por edhe për ekonominë e vendit.

“Banka e Shqipërisë si institucion licensues është përgjegjëse për kërkesat minimale që bankat kanë për ambientet e tyre pra në objektet e tyre. Lidhur me transportin e vlerave monetare ka një udhëzim të Ministrisë së Brendshme, e cila si rregullore është forcuar. Ngjarja e fundit ka ndodhur në ambientet e aeroportit dhe jo gjatë transportimit. Masa e marra janë ndryshimet rregullative për këtë rregullore që ne e kemi përforcuar dhe sigurisht që përgjegjësia direkte e jona si institucion është për të monitoruar dhe mbikqyrur zbatimin e kërkesave të sigurisë së bankave në ambientet e tyre.

Dua të theksoj meqë ju jeni këtu, që bankat janë të mirëkapitalizuara me likuiditet natyrisht që janë shumë të afta për të përballuar situata financiare qoftë edhe nga këto humbje apo goditje. Ajo që na shqetëson me shumë ne si BSH është përsëritja e këtyre ngjarjeve, ndikimi negativ në imazh, ndikim negativ psikologjik dhe sigurisht nëse ngjarje të tilla do të përsëriteshin shumë shpesh dhe ndikimi financiar do të bëhej shumë problematik dhe do të kishte një kosto jo vetëm për sistemin bankar por për të gjithë ekonominë shqiptare.

Në dijeninë time disa banka e kanë pasur GPS natyrisht për arsye teknike GPS zhvendoset në aeroport po ashtu dhe doganat po këtu nuk bëhen fjalë për element të detajuar në këtë nivel pasi këto janë post faktum për të zbuluar në duhet të jemi të korrdinuara si institucione për të marrë masa që ngjarje të tilla mos të përsëriten më në të ardhmen pasi jo vetëm që kanë ndikim financiar tek investitorët e huaj por ndikojnë negativisht dhe në imazhin e vendit.” -deklaroi Sjeko.

/r.k./Shqiptarja.com

TAG:
• gent sejko
• grabitje me vdekje ne Rinas