Greiss Petroviç prezanton vajzën e saj Emel, Zonja Tefta bëhet gjyshe për herë të dytë

Greiss Petroviç prezanton vajzën e saj Emel, Zonja Tefta bëhet gjyshe për herë të dytë

Zonja Tefta dhe Greiss Petroviç

Greiss Petroviç është bërë nënë për herë të parë. Themeluesja e agjencisë “Grace Models Albania” ka sjellë në jetë një vajzë të cilën e kanë quajtur Emel.

Vogëlushja lindi në 5 korrik por Petroviç ka preferuar të mos e bëjë publike menjëherë këtë ngjarje. Vetëm sot, sipërmarrësja me origjinë kroate ka publikuar në faqen e saj në Instagram një fotografi me dorën e foshnjes dhe të sajën ku ka prezantuar edhe vogëlushen Emel.

Emel Pajenga, princesha jonë, erdhi në jetë në 5 korrik 2018.

Mirënjohje dhe falenderim nga zemra për shërbimin dhe përkujdesjen e treguar, stafit të mrekullueshëm të maternitetit “Mbretëresha Geraldinë”, në veçanti Dr.Elton Koroveshi dhe Prof.Dr Afërdita Manaj!

Faleminderit Zot që na bekove me një ëngjëll”-shkruan Greiss në postimin e saj.


(Foto e publikuar nga Greiss pas lindjes, me vogëlushen në spital)

Natyrisht ardhja në jetë e Emel nuk ka gëzuar vetëm Greiss dhe bashkëshortin e saj, por edhe gjyshen e vogëlushes, kuzhinieren më të famshme në Shqipëri Zonjën Tefta. Ajo u largua në fund të qershorit nga emisioni “Rreze Dielli” në Report TV, pas 14 vitesh në ekran, pikërisht për tju përkushtuar vogëlushes që pritej të vinte në jetë. Kështu Tefta Pajenga është bërë gjyshe për herë të dytë pasi ka dhe një mbesë 18 vjeçare nga djali i saj dhe tashmë është e lumtur që do kujdeset për vogëlushen Emel.

Stafi i “Rreze Dielli” uron Zonjën Tefta dhe Greissin për ardhjen në jetë të mbesës dhe vajzës, duke i uruar jetë të gjatë e plot shëndet vogëlushes Emel.

 

1/2
//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Shkodër/ Kryebashkiaku Beci inspekton punimet e molos tek ura e Bunës: Projekti përfundon në qershor

Shkodër/ Kryebashkiaku Beci inspekton punimet e molos tek ura e Bunës: Projekti përfundon në qershor