Greqia i lë mënjanë mosmarrëveshjet me Turqinë për të dërguar ndihma, Mitsotakis: Grekët dhe turqit luftojnë krah për krah së bashku

Ndonëse kanë qenë prej dekadash në një krizë, Greqia është ndër vendet që kanë dërguar ndihmë në Turqi pas tërmetit me shifra të frikshme që ndodhi mbrëmjen e djeshme.

Kryeministri Kyriakos Mitsotakis i ka dërguar mesazhin e tij Turqisë duke u shprehur se grekët e turqit luftojnë krah për krah së bashku.

“Greqia dhe Turqia janë fqinjë që duhet të ndihmojnë njëri-tjetrin në kohë të vështira. Kjo nuk është hera e parë që tërmetet godasin vendet tona”, tha ai. “Kjo është një kohë për të lënë mënjanë përkohësisht mosmarrëveshjet tona dhe të përpiqemi të adresojmë atë që është një situatë shumë shumë urgjente. Imazhet që na mbushin me dhimbje pasohen nga imazhe që na mbushin me shpresë. Vetëm respekt për përpjekjet mbinjerëzore të ekipeve të shpëtimit. Grekët dhe turqit krah për krah, duke luftuar së bashku për të shpëtuar jetë. I falënderojmë për atë që bëjnë”.- tha ai.

Lajmi kryesor:

‘Eja të më shpëtosh’, nga rrënojat vijnë thirrjet për ndihmë! Mbi 7000 viktima! Qyteti sirian bombardohet pas tërmetit (VIDEO+FOTO)

G.MO/Shqiptarja.com

TAG:
• termet i fuqishem ne turqi