'Vezulluese e fisnike, grua e rrallë shqiptare', Rama fjalë të arta për ditëlindjen e Helena Kadaresë: Për Ismailin është dhuratë nga Zoti

'Vezulluese e fisnike, grua e rrallë shqiptare', Rama fjalë të arta për ditëlindjen e Helena Kadaresë: Për Ismailin është dhuratë nga Zoti

Edi Rama dhe çifti Kadare

Kryeministri Edi Rama i ka uruar ditëlindjen Helena Kadaresë, shkrimtares dhe bashkëshortes së Ismail Kadaresë.

Përmes një shkrimi të gjatë në rrjetet sociale, Rama shkruan vyrtytet e një gruaje që qëndron e pandarë në krah të bashkëshortit të saj, Ismail Kadaresë.

Rama e ka krahasuar Helenën me një ëngjëll, pjesë e pashmangshme e historisë së jetës së Ismail Kadaresë.

Postimi i plotë:

Helena Kadare më kujton gjithnjë atë shprehjen e famshme, një burrë peshohet nga gruaja dhe biblioteka! E mbase gabohem, po pa Helenën biblioteka nuk do të kishte mjaftuar për t'ia mundësuar Ismailit fortesën e blinduar, mu në zemër të tiranisë komuniste, ku morën jetë krijesat e tij të hatashme, që çanë rrethimin tiranik e u ngjitën në majat e letërsisë së botës mbarë.

Më kujtohet vite e vite më parë, kur në netët e vona në bulevardin e zbrazët të Tiranës, Ismaili ecte me hijen e vet vezulluese në krah, Helenën, e cila ja ashtu njësoj si në shëtitjen e mbrëmjes,  përmes boshllëkut që rrethonte qenien e tyre të dyfishtë, e ka shoqëruar Ismailin me vezullimin e përkushtimit të saj, pa e lënë kurrë një ditë të vetme vetëm, qysh nga dita e parë e njehsimit të tyre.

Është pak të thuash se Ismaili nuk hyn tek njerëzit e kollajshëm dhe pak është të thuash se Helena nuk hyn tek gratë e zakonshme. E bukur, e mençur, e lexuar, e dalë dhe e admiruar nga larg e nga afër, prej të panjohurve e të njohurve, po njëkohësisht e përulur ndaj fatit që e lidhi përmes një dashurie të zjarrtë me një xhind të fjalës së shkruar, që buzëqeshjet i ka si të dielat në kalendarin e vitit, Helena është një grua e jashtëzakonshme shqiptare.

Shtyllë e fortesës ku xhindi rrotullohet prej 57 vjetësh me daullet e shiut të tij, vatër që ngroh hapësirën ku ngrijnë e shkrijnë prurjet e botës së tij fshehtë, dritë që rri gjithnjë ndezur për t'u kujdesur që ai ta gjejë gjithnjë atë çka i duhet kur i duhet të kthehet nga arratitë në skutat e mendjes, portë që hapet bukur për të mikpritur vizitorë dhe sy që ndjek gjithçka, njësoj siç prej një jete ka ndjekur e sistemuar për botim në makinën daktilografike, çdo rresht të dorëshkrimeve të të shoqit, Helena është për Ismailin një dhuratë po aq bujare e Zotit sa edhe gjenialiteti i tij krijues.

Nëse si rregull gruaja është gjysma më e mirë e burrit, Helena është në atë çift të pandarë e të pandashëm ëngjëlli, që si edhe djalli jetojnë brenda tek i gjalli, e nëse historia do të flasë nesër vetëm për Ismailin, jeta e tij nga dje, sot e deri atëherë mes fantazisë e realitetit, nuk mund të kuptohet asfare pa Helenën.

Duke ia uruar ditëlindjen zonjës së rrallë, uroj që shëndeti, dashuria e gëzimet të mos i mungojnë kurrë, siç kurrë nuk i ka munguar vezullimi qenies së saj fisnike e të urtë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • USA TOP: 22/09/2020 13:38

    TE hash Lajkat KOMUNISTE ESHTE si te dalesh per gjah per minj e te braktisesh atdheun qe ta ka fale Zoti .DHE nuk ka treg fare te tregtohet nje grua nga nje burre grandaresh sic ka ndare dhe neperkembur Rama grate...Pika u rente grave qe pranojne levdata nga Bilejashti (lexo biblen o RAMEDHOXHA) .KY ZDROMS MBURR GRATE E NDERSHME QE VETE KA PERSHALUR DHJETERA GRA ? KY I THUR HYMNE MORALIT ? KY I PAMORAL ME SHET MORAL SHALLVARESH. ? KUJT IA SHET?? MORALI I TIJ KA VIRUS KOMUNIST ?? PAK NA DENOI ZOTI ME KOVIT 19 TE DUROJME PRAPE ENVER DERRIN NIPIN E HOXHES ?? PRAPE ? PO SIKUR HELENA TE SHKRUANTE NJE LIBER ME TITULL "LOQEJASHTI SHQYPTAR NE MONTPELJE" AUTOR = HELENA KADARE.??? KJO DO TREGONTE SE SA VEZULLUESE ISHTE,( S'E NUK ESHTE) HELENA KARDARE . ESHTE E PAMUNDUR QE ZAHOT TA MESOJNE NE LIBRA HELENIN,PO NUK E FUTI RAMA NE INSTAGRAMIN E GRAMOZ RUCIT DHE MAJKOS MINISTER I DHIASPORES.SI MAJKO KA HARRUAR DIASPOREN FRANCEZE "SHOQATEN KADARE PER TERMETIN " ISHTE KARDAREJA GJALLE ME 26 NENTOR 2019?? PO OPERONTE GOJEN SI MAJKO ?? KAM SHUME TE THEM PO RA ZILJA E DO SHKOJE NE PUNE ?!!!? SHKRUAJ KADARE PER ALEKSANDER KONDON QE E VRAU ( RUCI - THONE ) NE AMERIKE APO NE FRANCE NUK JAM I SIGURT ...

    Përgjigju
  • Tutu: 21/09/2020 18:10

    Shtetaret tane ne gare qokash....pika qe nuk u bie...

    Përgjigju
  • Saje: 21/09/2020 11:40

    Po te qenit grua e IK nuku te ben me kaqe shume vlera mo njesh se na habite fare tani...apo ske me ca merresh

    Përgjigju
    • Bukurie: 21/09/2020 12:21

      Po pse habitesh,Rama dhe Kadareja kane qene njerez te priviligjuar te sistemit komunist Te Enver Hoxhes,Kadareja Ka qen pjesmarres dhe I ftuar nderi ne darkat dhe ditlindjet e Enverit,por edhe Kristaq Rama nje burre shume I nderuar e gdhendte Enverin bronc e all I Ishin pjestare te lasted SE kuqe te dy por kur pane fundin Rama nderroi lidhje d Shi te behej me PD kurse Kadareja iku SE deshi te hartonte ditelindjet e Enverit.

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Pjesë e një ekipi, Felipe Melo s'kursehet për Dani Alves e Robinho: Duhet të jenë në burg

Pjesë e një ekipi, Felipe Melo s'kursehet për Dani Alves e Robinho: Duhet të jenë në burg