POP 5

Lajmet më të lexuara të 5 minutave të fundit

Kronikë

Helmimi i çiftit në Librazhd/ Detajet në 'Pa Gjurmë', mjekët: U helmuan me bar miu! Kryeplaku i fshatit: U shokua i gjithë fshati

Detaje të reja kanë dalë në dritë nga helmimi i çiftit Hajdari në Librazhd, ku humbi jetën 19-vjeçarja Rezarta Hajdari ndërsa u helmua rëndë bashkëshorti i saj 27-vjeçari, Olsian Hajdari. Bluzat e Bardha kanë konfirmuar se dy të rinjtë janë helmuar me bar miu. 

Mbrëmjen e sotme në emisioni 'Pa Gjurmë' i është kushtuar një vëmendje e veçantë ngjarjes së rëndë të ndodhur në Librazhd ku si pasojë e helmimit nga fostoksina humbi jetën Rezarta Hajdari 19-vjeçe dhe shkoi në gjendje të rëndë bashkëshorti i saj Olsian Hajdari 27-vjeç.

Gazetari i Report Tv, Aldo Kozarja bën me dije se bluzat e bardha kanë konfirmuar se dy të rinjtë të cilët kishin vetëm 5 ditë që ishin martuar, janë helmuar me bar miu.

'Më kanë konfirmuar se bëhet fjalë për bar miu. Kjo i ka marrë jetën vajzës ndërsa ka çuar në gjendje të rëndë bashkëshortin e saj. Çifit nuk ka pasur konflikte të mëparshme. Nuk kanë gjetur asnjë ambalazh në dhomën e gjumit që të lihet dyshim se janë vetëhelmuar. Policia bazuar në dëshmitë e marra dhe provat materiale, ka ngritur dy pista, atë të vetëhlemimit dhe ajo e helmimit nga person i tretë. Megjithatë 27-vjeçari do të ketë pasoja. Pasi duhet një kohë e gjatë që i riu të jetë në gjendje të komunikojë.' tha gazetari Kozarja.

Ndërkohë në një lidhje telefonike për emisionin 'Pa Gjurmë', kryeplaku i fshatit Xhyrë, Enver Pali, ka deklaruar se çifti ishte në banesë dhe darkën e ka ngrën aty, më pas kanë shkuar në dhomën e tyre ku edhe janë gjetur, vajza e vdekur dhe djali i helmuar rëndë.

"Kanë qenë familje pa probleme. Nuk dimë më gjerë. Nuk kanë patur asnjë problem. U habitëm të gjithë fshati. Unë nuk di konflikte të kenë patur në fshat. Deri tani unë skam dëgjuar gjë për konflikte. Nuk e di tani. Jam habit. Nuk kam marrë informacion më tepër presim ekspertizën. As rreth shtëpisë nuk është gjetur gjë. Kanë darkën dhe kanë shkuar në dhomën e tyre. Kanë qenë në shtëpi më parë. Sot në mgjes e kemi marrë vesh. " tha kryeplaku.

Ndërkohë policia vijon hetimet për këtë ngjarje të rëndë. Me kalimin e kohës dhe me përmirësimin e gjendjes shëndetësore të Olsian Hajdarit, pritet që të merret edhe dëshmia e tij, që me shumë mundësi do të hedh dritë në zbardhjen e plotë të kësaj ngjarje që i kushtoi jetën 19-vjeçares, Rezarta Hajdari.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Meta ‘kokë më kokë’ me Kryemadhin: Një nga ne në Kryesi! S’do të thotë se do ikë Monika, mund të largohet edhe Iliri! Vendos vota

Meta ‘kokë më kokë’ me Kryemadhin: Një nga ne në Kryesi! S’do të thotë se do ikë Monika, mund të largohet edhe Iliri! Vendos vota

19 Prill, 19:58