Hepatiti B, sëmundja infektive që shpëtoi nga mbyllja në qeli e drejtorit të burgut 313 në Tiranë

Hepatiti B, sëmundja infektive që shpëtoi nga mbyllja në qeli e drejtorit të burgut 313 në Tiranë

Burgu 313

Zbardhet vendimi i gjykatës së Posaçme që vendosi të lirojë nga qelia drejtorin e burgut 313 në Tiranë, i arrestuar nga SPAK për akuzën e korrupsionit.

Eduart Struga ka paraqitur në gjykatë raporte mjekësore se vuan nga një infeksion i mëlçisë i quajtur “Hepatiti B” dhe për pasojë qëndrimi në burg i tij do të sjellë përkeqësimin e gjëndjen shëndetësore. Struga ka pretenduar se prej disa vitesh vuan nga ky infeksion i mëlçisë, ndërkohë hodhi poshtë të gjitha akuzat e prokurorisë së SPAK, se ai ka marë para në këmbim të lejes, për të ushtruar aktivitet tregtar brenda në ambjentet e burgut 313.

Struga ka pohuar se lejet nuk jepen nga drejtoria e burgut 313, por nga Drejtoria e Përgjithshme e Burgjeve. Por përfaqësuesi i akuzës në gjykatë e njohu trupin gjykues me një sërë përgjimesh dhe filmimesh të kryera nga prokuroria, duke shtuar se drejtori i burgut dhe dy vartësit e tij ishin implikuar në një aferë korruptive jo vetem me lejen e aktivitetit tregtar brenda në burg, por edhe për futjen e disa makinetave ushqimore në ambjentet e këtij burgu, ku për çdo makinetë drejtori kërkonte një shumë të konsiderueshme lekësh.

Pavarësisht provave të prokurorisë, në vendimin e saj gjykata e posaçme argumenton strse sëmundja me hepatit B, nga e cila vuan i arrestuari Eduart Struga, si dhe situata infektive me COVID-19 në të cilën ndodhet Shqipëria, krijojnë kushtet e dhënies së një mase më të butë të arrestit ndaj ish-drejtorit të burgut, duke vendosur masën e “Arrestit në shtëpi”.

Tjetër qëndrim e njëjta gjykatë ka vendosur për dy vartësit e tij,Florian Ahmetaj dhe Ervin Kërtulla, të cilët janë lënë në masën e “Arrestit në burg”, pavarësisht situatës së COVID-19.

Strugaj dhe dy vartësit u ndaluan pas dyshimeve për akuzën e korrupsionit. Tre zyrtarët dyshohen se i kanë kërkuar përfaqësuesit të dyqanit të burgut 313, 550 mijë lekë në këmbim të favoreve për t’i rinovuar lejën e ushtrimit të aktivitetit brenda burgut dhe futjes së disa makinetave ushqimore brenda në burg.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Burgu: 06/04/2020 21:13

    Per te bere pislleqe e pazare nuk ishte me hepatit b ky tipi i drejtorit, ndersa per te qendruar ne burg na qenka i semure. A te keqen e serioziterit dhe pa anshmerise qe tregohet.

    Përgjigju
  • drejtori: 06/04/2020 19:36

    Haaaa. Hajde drejtesi drejtori shtepi. vartesi burg.

    Përgjigju
  • sapa: 06/04/2020 19:01

    Pse kush ishte ai naiv qe pretendonte ta shikonte ne burg?

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet