Inceneratori i Elbasanit drejt shkuarjes në gjykatë, të akuzuarit kërkojnë gjykim të shkurtuar! SPAK kërkoi burg për Alqin Bllakon, GJKKO refuzoi! Nesër në Apel

Hetimet për inceneratorin e Elbasanit, avokatët e të pandehurve dorëzojnë pretendimet e tyre në lidhje me akuzat e ngritura. Avokati i Klodian Zotos, në prapësimet e tij dorëzuar SPAK ka pretenduar se nuk ka kryer evazion fiskal si dhe sipas tij të gjitha dokumentacionet janë bërë konform ligjit, në kushtet e një emergjence mjedisore. Në të njëjtën mënyrë kanë vepruar edhe avokatët e tjerë të të pandehurve të tjerë, të cilët kanë pretenduar se nuk kanë shkelur ligjin dhe nuk kanë kryer asnjë prej veprave penale që pretendohen nga ana e SPAK.

Në lidhje me inceneratorin e Elbasanit, Gjykata e Posaçme ka dhënë masë sigurie në mungesë për Mirel Mërtirin dhe po ashtu edhe për Alqi Bllakon, i cili më herët akuzohej veç për Fierin.  SPAK i ka kërkuar Gjykatës së Posaçme masë sigurie "arrest në burg" për Alqi Bllakon për Inceneratorin e Elbasanit, por është refuzuar dy javë më parë në një seancë diskrete. Pas refuzimit SPAK i është drejtuar Apelit të së Posaçmes, teksa kjo e fundit shqyrton kërkesën të enjten në orën 08:30.

Mësohet se të gjithë avokatët mbrojtës do të kërkojnë gjykim të shkurtuar. Pas analizimit të prapësimeve të avokatëve, prokurori Klodian Braho pritet të dërgoj dosjen në gjykatë, e cila në seancë paraprake do të vendos për nisje të gjykimit ose kthim sërish për plotësim të hetimeve. 2 javë më parë Prokuroria e Posaçme kundër Korrupsionit dhe Krimit të Organizuar ka përfunduar hetimet për inceneratorin e Elbasanit. Tashmë do t’i takojë GJKKO të vendosë në seancë paraprake kalimin e çështjes për gjykim apo jo.

Për inceneratorin e Elbasanit ndodhet në burg ish-ministri i Mjedisit, Lefter Koka, ndërkohë që ka masa sigurie edhe për Pëllumb Abeshin, ish-kryetar i Komisionit për dhënien e inceneratoritm ish drejtor i politikave në Ministrinë e Mjedisit; Bardhyl Çabiri ish-anëtari i Komisionit nga Bashkia e Elbasanit, Etleva Kondi, ish-anëtare e Komisionit për dhënien e koncesionit, akuzohet “Shpërdorimi i detyrës”, në bashkëpunim. Jonida Zeqo, ish-anëtare e Komisionit për dhënien e koncesionit, akuzohet “Shpërdorimi i detyrës”, në bashkëpunim. Serafin Papa: Ish-anëtar i Komisionit për dhënien e koncesionit. Në kërkim për këtë çështje janë shpallur Klodjan Zoto dhe Stela Gugallja. 

SPAK e akuzon Lefter Kokën për shpërdorim të detyrës, pastrim të parave dhe korrupsion, tre akuza të rënda me të cilat ish-ministri tashmë do nisë betejën e tij me drejtësinë, teksa janë sekuestruar edhe kompanitë "Albtek Energy”, pra inceneratori i Elbasanit, “Integrated Technology Services” si edhe aksionet e Kokës në “Kantinën e Pijeve Gjergj Kastrioti Skenderbeu”. Nga ana tjetër, janë shpallur në kërkim edhe Stela Gugalli, e cila në sistemin TIMS rezulton se është jashtë shtetit si dhe Klodian Zoto.  Lefter Koka akuzohet se ka përfituar 3.7 mln euro nga Inceneratori i Elbasanit. 

Hetimet për inceneratorin e Elbasanit janë të parat që përfundojnë nga SPAK, teksa në proces përfundimtar, thonë burimet, është edhe ai i Fierit.

Pasuritë e sekuestruara për Inceneratorin e Elbasanit

14 apartamente me sipërfaqe banimi në total prej 1356 m²;

3 njësi tregtare me sipërfaqe shfrytëzimi në total prej 297 m²;

1 pasuri të paluajtshme të llojit truall me sipërfaqe 147 m² dhe ndërtesë 126 m²;

8 shoqëri tregtare dhe të gjitha asetet në pronësi të shoqërive tregtare.

Rendit zhvillimet sipas orarit:
Ora 12:23
Hetimet për inceneratorin e Elbasanit, SPAK kërkoi arrest në burg për Alqi Bllakon 2 javë më parë, GJKKO e rrëzoi

1669202684_AlqiBllakonekomision.jpg

SPAK i ka kërkuar Gjykatës së Posaçme masë sigurie "arrest në burg" për Alqi Bllakon për Inceneratorin e Elbasanit, por është refuzuar dy javë më parë në një seancë diskrete. Pas refuzimit SPAK i është drejtuar Apelit të së Posaçmes, teksa kjo e fundit shqyrton kërkesën të enjten në orën 08:30.

K.T./A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Enveri: 23/11/2022 23:37

    Paska refuzuar GJKKO masen e kerkuar nga SPAK??? Dhe karafili yne qe klith kunder gjykates dhe prokurorise per shoqen Mimoze, na qenka shurdhe-memecuar per kete skandal???? Po shoqia Kim cne nuk tha gjys llafi mer jahu?

    Përgjigju
  • Sondazhi i ditës:

    Qeveria shpërblim 5 mijë lekë për pensionistët, si e vlerësoni?



×

Lajmi i fundit

BRITANI/ Kultivonin kanabis, arrestohen 4 shqiptarë, zbulohet deklarata e tyre: Më mirë në burg, se në Shqipëri

BRITANI/ Kultivonin kanabis, arrestohen 4 shqiptarë, zbulohet deklarata e tyre: Më mirë në burg, se në Shqipëri