Hetimet për pasojat nga tërmeti, ekspertët italianë takohen me prokurorët e Krujës

TIRANË - Dy ditë pas ardhjes në Shqipëri, 5 ekspertët italianë, sot kanë zhvilluar një takim në Durrës, me prokurorët e Krujës ku kanë analizuar faktet dhe hetimet e deritanishme të pasojave të tërmetit të 26-nëntorit në Thumanë. Takimet e ekspertëve italianë do të vijojnë me të gjithë prokurorët që po hetojnë dëmet që la pas tërmeti shkatërrimtar.

Ekipi i ekspertëve italianë përbëhet nga 2 prokurorë, një inxhinier dhe 2 oficerë të policisë gjyqësore. Ata fillimisht patën një takim takim në Prokurorinë e Përgjithshme me kryeprokurorin Olsian Çela, ndërsa tashmë po njihen në detaje me dosjet e hetimit.

Në qytetin bregdetar janë dy ekipe nga Prokuroria e Durrësit që kanë nisur hetimet në objektet e rrënuara nga tërmeti. Konkretisht hetimi po kryhet në 6 objektet që shkaktuan viktima dhe hetimi tjetër për të paktën 200 objekte që kanë pësuar dëme të mëdha, por nuk që nuk kanë shkaktuar viktima. Prokuroria ka urdhëruar sekuestron e dosjeve me lejet e ndërtimit, raportet e institutit sizmologjik për këto ndërtime, raportin e kolaudimit nëse është respektuar apo jo leja e dhënë dhe parametrat teknikë për konstruksionin metalik dhe betonit.

E.L./Shqiptarja.com
  • Sondazhi i ditës:

    A e frenon krimin në familje vetëm ashpërsimi i Kodit Penal?

Komento

Komente

  • I demtuari nga termeti: 23/01/2020 00:51

    Cjane keto idjotizma qe po degjojme e njejta gje ka ndodhur ne PORTO RIKO termeti Me magnitude 6.4 e shkalles rihter shkaterime Me keq se ne DURRES LAC KRUJE Po ATJE punohet dhe nuk merren Me lloqe ka gati 2 muaj dhe ASNJE PALLAT ME DEMTIME TE VOGLA NUK ESHTE RIPARUAR. F I LLO N I PUNEN O SHQIPETARE ME QEVERI KUKLLASH

    Përgjigju