Fati i Ervis Martinajt, çfarë po ndodh me hetimet policorë? Drejtori Rrumbullaku pëgjigjet shkurt: Jemi në rrugë të mbarë (VIDEO)

TIRANË- Policia e Shtetit thotë se është në rrugë të mbarë në lidhje me hetimet për gjetjen e të shumëkërkuarit Ervis Martinaj. Teksa kanë kaluar më shumë se 4 muaj nga zhdukja e 40-vjeçarit, drejtori i Përgjithshëm i Policisë së Shtetit, Muhamet Rrumbullaku tha sot se policia e Shtetit është në rrugë të mbarë për të zgjidhur këtë çështje.

‘Sot jemi për një çështje tjetër me madhore, por do t’ju përgjigjem shkurt. Absolutisht policia e shtetit është në rrugë të mbarë për hetimin e rastit për të cilin ju i referoheni. Ne mendojmë se jemi në rrugën e mbarë për të zgjidhur rastin.’- tha Rrumbullaku.

Ervis Martinaj rezulton i zhdukur që prej 9 gushtit të këtij viti. Në harkun kohor të 4 muajve, policia ka kryer disa kontrolle në kërkim të tij në qytete të ndryshme, operacione të cilat janë mbajtur diskrete. Zhdukja pa lënë gjurmë e Martinajt ka ardhur pas dëshmisë së të penduarit të drejtësisë, Nuredin Dumani gjatë muajit maj në kuadër të operacioni Plumbi i Artë, kohë kur Martinaj u shpall në kërkim nga SPAK.

Një efektiv policie Jeton Lami, u la në në burg me akuzën e shpërdorimit të detyrës dhe dekonspirimit të operacioneve policore. Teksa po hetonte për zhdukjen e të shumëkërkuarit Ervis Martinajt, policia zbuloi se për t’u arratisur, Martinaj ishte ndihmuar edhe agjent i forcave operacionale në Policinë e Shtetit, Jeton Lami, i cili u prangos më 23 gusht nga policia e Lezhës. 

Ervis Martinaj është një prej njerëzve më të njohur të botës së krimit në vend. Ai është konsideruar si një nga njerëzit më të rrezikshëm në Tiranë, i akuzuar për vrasje dhe i dyshuar për disa ngjarje të rënda, që kanë tronditur kryeqytetin.

M.Q./K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se do zbulohet pronari i 400 mijë € të vjedhura nga pastruesja?



×

Lajmi i fundit

VIDEO rrëqethëse! Nëna nën rrënojat e tërmetit sjell në jetë foshnjën, por vetë vdes! Qytetari merr të sapolindurin në duar

VIDEO rrëqethëse! Nëna nën rrënojat e tërmetit sjell në jetë foshnjën, por vetë vdes! Qytetari merr të sapolindurin në duar