Hormuz, ishulli i Ylberit me rërë 'galaktike' dhe ujë të kuq rubin

A keni parë ndonjëherë rërë dhe ujë në ngjyrë të kuqe të errët? Këto dy fakte natyrore të pazakonta janë zbuluar në ishullin Hormuz. Është një bregdet i mrekullueshëm që për nga pamja të “dërgon” në mars, por që realisht ndodhet në Iran. Ndryshe kjo mrekulli e natyrës quhet Ishulli i Ylberit. Toka e Hormuzit ka një përqendrim të lartë të oksidit të hekurit që i jep peizazhit një ngjyrim karakteristik të kuqërremtë. Në pjesët ku rëra është më e kuqe, valët në det bëhen të ngjyrosura me rozë. Rëra dhe uji që pasurojnë këtë ishull është përdorur për dekada në industrinë e ngjyrosjes, kozmetikës, qelqit dhe qeramikës e ndërsa nuk mungojnë edhe sasi që dërgohen për eksport. Ishulli Hormuz ka një sipërfaqe toke të përbërë nga oksidi i kuq, të quajtur "Gelack", i cili nuk është thjesht një mineral i vlefshëm për qëllime industriale, por edhe i ushqyeshëm pasi vendasit e përdorin atë si një erëz në kuzhinën e tyre, siç janë salca e gatime të tjera e ndërsa shijen e ka të kripur. I njëjti dhe nga toka e kuqe i jep jo vetëm ngjyra plazheve të këtij ishulli, por përdoret gjithashtu në pjekjen e bukës lokale të quajtur "tomshi".

Duke qenë se pranë vijës bregdetare ngrihet edhe një mal kjo e bën plazhin e kuq edhe më të vecantë pasi hija e tij e bën të duket akoma më i errët ngjyra e ujit dhe tokës nën ujë. Përgjatë një shëtitje në breg të detit rëra shkëlqen si të jetë përbërë nga metale e kur vjen lindja ose perëndimi i diellit pamja bëhet thjesht magjepsëse me një shkëlqim “galaktik” mbresëlënës dhe ujin e kuq të errët të shndritshëm.

Ishulli Hormuz ose i Ylberit është një nga vendet që duhet të vizitoni në një moment të caktuar të jetës tuaj. Ngjyra e tokës përreth jush ndryshon ndërsa ecni në një tokë me përbërje unike ngjyrash prej  70 mineralesh të veçanta. A nuk është e mahnitshme?! /Përgatiti Migena Sotiri

/b.ha./Shqiptarja.com

TAG:
• iran
• Hormuz
• ylber