Babai i një prej ushtarakëve që humbi jetën pas rrëzimit të avionit ushtarak në ujërat detare të Jonit në territorin grek, ka bërë një deklaratë të dhimbshme.
I ati i Marios, Michael Turoutsikas, Kostas, pohoi se sapo mori vesh që një avion ushtarak ishte rrëzuar, instinktivisht i kishte shkuar mendja tek djali i tij.
Duke folur për një emision, ai tha se djali i tij nuk do të donte të quhej “hero” dhe kërkoi që njerëzit të mos e kujtojnë më në këtë mënyrë. Njëkohësisht ai foli për dashurinë e të birit për aviacionin, ndërsa tha se në vizitën që priti dje nga shefat e Forcave të Armatosura nuk i shpjeguan rrethanat e aksidentit teksa presin përfundimin. Por, siç theksoi ai, është gjëja e fundit që dëshiron të dijë.
“Kur dëgjuam se kishte rënë një avion, instiktivisht e kuptova se ishte djali im”, ndërsa tregoi se modeli i djalit të tij ishte Konstantinos Iliakis, i cili humbi jetën në Egje më 23 maj 2006, pas një manovre të gabuar nga një pilot turk.
Avioni ushtarak F-4 i Greqisë është rrëzuar në det mëngjesin e ditës së sotme në jug të Andravidës. Për pasojë është gjetur i vdekur njëri prej pilotëve, 29-vjeçari Marios - Michael Turoutsikas i cili ishte njëkohësisht edhe nënkomandant. Sipas informacioneve të publikuara nga mediat greke, dy pilotët e Phantom F-4 nuk kanë pasur kohë të largohen nga avioni që u rrëzua në det. Sipas të njëjtit informacion, operatorët F-4 e bënë lundrimin e ulët një term që do të thotë fluturim i ulët me një minimum prej 300 këmbësh lartësi mbi det. Nga ana tjetër, thellësia në pikën e rënies së F-4 është 1000 metra.
Pas ngjarjes së rëndë, ministri i Mbrojtjes Kombëtare, Nikos Panagiotopoulos ka shpallur tre ditë zie kombëtare për Forcat e Armatosura.