I dyshuar për koronavirus, Trump kryen testin mjekësor. Nga rezultatet e Presidentit, mjekët konfirmojnë se...

I dyshuar për koronavirus, Trump kryen testin mjekësor. Nga rezultatet e Presidentit, mjekët konfirmojnë se...

Shtëpia e Bardhë njoftoi të shtunën se Presidenti Trump rezulton negativ pas testit të koronavirusit. Testi u bë pas lajmeve se zoti Trump ishte ekspozuar ndaj COVID-19.

Zoti Trump njoftoi se kishte bërë testin gjatë një konference për shtyp në Shtëpinë e Bardhë të shtunën paradite, ku u publikuan të dhënat e fundit mbi situatën e krijuar në vend si rezultat i pandemisë dhe ecurisë së disa masave të marra në kuadër të shpalljes së emergjencës kombëtare.

Të premten në konferencën ku u njoftua emergjenca kombëtare, Presidenti Trump shkaktoi habi kur shtrëngoi duart me një numër drejtuesish në kundërshtim me rekomandimet e zyrtarëve të shëndetit publik, veçanërisht pas njoftimeve se ai vetë ishte ekspozuar ndaj virusit.

Mbrëmë u zbulua se katër anëtarë të një delegacioni brazilian që darkuan me Presidentin Trump fundjavën e kaluar në Mar-A-Lago kanë rezultuar të gjithë pozitivë me koronavirus.

Presidenti Trump u pyet nga gazetarët nëse po tregohej egoist duke mos u testuar.

“Nuk kam thënë se nuk do të testohem... Me të gjitha gjasat, po... Së shpejti... Po punojmë për një axhendë“, u përgjigj ai.

Por më vonë, pas kësaj deklarate mjeku personal i presidentit qarkulloi një letër ku thuhej se zoti Trump ka rrezik të ulët për t'u prekur nga virusi pasi ndërveprimet e tij me zyrtarët brazilianë ishin të kufizuara dhe se ato ndodhën përpara se ata zyrtarë të shfaqnin ndonjë simptomë. Mjeku i presidentit tha gjithashtu se nuk ka nevojë që zoti Trump të futet në karantinë dhe se madje ende nuk sugjerohet një testim i tij për virusin COVID-19.

Por të shtunën ishte vetë presidenti Trump që njoftoi lajmin se të premten në mbrëmje ai kishte kryer testin për koronavirus./VOA

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Free: 15/03/2020 18:33

    Pacienti 0 eshte ne US. Ne Gusht te 2019 ne Washington state u mbyll nje lab per arsye sigurie dhe pati disa te vedkur nga gripi i stines. Ne pamundesi testesh dhe njohurie u klasifikuan te tille. Me pas ne tetor ne Wuhan u kryen lojrat olimpike ushtarake ku skuadra US me numrin me te madh te atleteve u rradhit nga te fundit. Fill dy jave pas mbarimit shperthen epidemia. NE kine nuk eshte gjetur ende pacienti 0 pamvaresiht hetimit te gjere.Vetem te pacienti 0 mund te analizohet nese virusi ka shtese gjenetike. Artikulli te veteranstoday.com

    Përgjigju
  • Turi: 15/03/2020 12:53

    Nuk e di por imagjinata nuk ka kufi. Ndoshta nuk eshte vetem COVID19 qe eshte futur e gjithe bota ne karantin. Ndoshta jan duke ardhur Jashtetoksoret./Aliene. ????????? Nuk e di por ???????????? dhe e pamundur nuk eshte. Nuk e di????????

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Petro Koçi zbulon pse abstenoi për ngritjen e Komisionit parlamentar për sistemin TIMS

Petro Koçi zbulon pse abstenoi për ngritjen e Komisionit parlamentar për sistemin TIMS