POP 5

Lajmet më të lexuara të 5 minutave të fundit

Kronikë

I izoluar në Pogradec, aktori i njohur i humorit: Ju kam si fëmijët e mi, uroj mos i ndodhë gjë Shqipërisë

Aktori i humorit Muharrem Hoxha është vetëizoluar në apartamentin e tij në Pogradec si një masë për parandalimin nga koronavirusi. Ai ka zgjedhur që edhe furnizimet me ushqimet e shportës apo ilaçet t'i marrë përmes grupit të vullnetarëve. Krahas faleminderit për ata aktori Muharrem Hoxha ka uruar që kjo situatë të kalojë sa më shpejt dhe me sa më pak probleme.

Aktori i mirënjohur Muharrem  Hoxha ka zgjedhur qytetin e Pogradecit për të qëndruar gjatë këtyre ditëve të vështira që vendi ynw po kalon si pasojë e përhapjes së koronavirusit. Ai është akomoduar në apartamentin e tij në Pogradec duke zbatuar me përpikmëri dhe qytetari udhëzimet e qeverisë për të mos dalë jashtë orareve të përcaktuara. Furnizimin me ushqimet e shportës apo ilaçet aktori ka zgjedhur t'i marrë përmes grupit të vullnetarëve të ngritur nga bashkia Pogradec.

"Faleminderit shumë nga bashkia, juve (vullnetarëve), që falë jush ne mosha e tretë e kemi më të lehtë për të përballuar këtë situatë. Uroj që për Pogradecin por edhe gjithë Shqipërisë të mos i ndodh gjë, ju falenderoj dhe ju puth, ju kam si fëmijët e mi", tha Muharrem Hoxha.

Në Pogradec janë ngritur 12 grupe pune vullnetarësh që po i shërbejnë pensionistëve dhe familjeve nevojtare këto ditë në të cilat qarkullimi është mjaft i kufizuar ndërsa duket se pogradecarët po i binden urdhrit të qeverisë pasi pas orës 10 të gjithë janë mbyllur në shtëpi.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

O’Brien nesër në Beograd për takime me krerët e Serbisë

O’Brien nesër në Beograd për takime me krerët e Serbisë

19 Prill, 22:54