'I sëmurë mendor', këngëtari tregon detaje nga jeta e Michael Jackson

Elton John e ka cilësuar Michael Jackson si person të sëmurë mendor në librin e tij me kujtime, titulluar “Me”.

Këngëtari 72- vjeçar tregoi se ata ishin miq, por ai ndryshoi kur u bë i famshëm.

Ata u takuan kur Michael ishte 18 vjeç dhe ai e quan si fëmija më i adhurueshëm që mund të imagjinoni.

 "Në një moment ai vendosi  të qëndronte larg botës dhe realitetit, ashtu  siç bëri Elvis Presley". Zoti e di se çfarë po ndodhte në kokën e tij, dhe Zoti e di se çfarë ilaçesh po pinte, por sa herë që e shihja mendoja që ai kishte humbur fare”, është shprehur Elton në libër.

Ai ka shkruar se ishte një i sëmurë mendor dhe person shqetësues për shoqërinë. 

Një herë që e ftoi Xheksonin, ai u zhduk dhe e gjeti duke luajtur me djalin e zonjës që kujdesej për shtëpinë.

Elton John u shpreh se ai nuk donte të rrinte më me të rritur.

Në librin me kujtime, John ka zbuluar edhe detaje nga jeta e tij, ku ka folur për marrëdhënien me nënën e tij të ndjerë.

Nëna e Eltonit, Sheila Farebrother, nuk u takua kurrë me dy djemtë e tij, Zachary tetë-vjeçar dhe Elijah, gjashtë vjeç, të cilët i ka me David Furnish.

Ai tha: "Asnjëherë nuk e pëlqeu Davidin. Ajo kurrë nuk pëlqeu njeri.  Por unë jam i kënaqur që ata nuk e takuan atë, sepse ajo do t'i kishte kritikuar ata, siç më kritikoi mua”, është shprehur këngëtari.

TAG:
• Michael Jackson
• detaje
• Elton John
• i sëmurë mendor