X

POP 5

Lajmet më të lexuara të 5 minutave të fundit

Kronikë

I vodhi portofolin 32-vjeçares në Berlin dhe tentoi ta përdhunojë, arrestohet pas dy vitesh 27-vjeçari në Pukë (EMRI)

Mësohet se i riu ishte shpallur në kërkim nga Gjermania, pasi në gusht të vitit 2019, ai ka ndaluar një 32-vjeçare në Berlin, të cilën ka tentuar ta përdhunojë. Sakaq, Kristjan Dedaj mësohet se i ka vjedhur 32-vjeçares portofolin dhe paratë që kishte me vete.

I vodhi portofolin 32-vjeçares në Berlin dhe tentoi ta përdhunojë, arrestohet pas dy vitesh 27-vjeçari në Pukë (EMRI)

Foto ilustruese

Policia ka arrestuar një 27-vjeçar në Pukë pasi ishte në kërkim ndërkombëtar për veprat penale “Marrëdhënie seksuale me dhunë” dhe “vjedhje me dhunë”. Mësohet se i riu ishte shpallur në kërkim nga Gjermania, pasi në gusht të vitit 2019, ai ka ndaluar një 32-vjeçare në Berlin, të cilën ka tentuar ta përdhunojë.

Sakaq, Kristjan Dedaj mësohet se i ka vjedhur 32-vjeçares portofolin dhe paratë që kishte me vete. Dosja nga Prokuroria e Berlinit në Gjermani është dërguar së bashku me provat materiale në Prokurorinë e Rrethit Gjyqësor Pukë, ndërsa gjykata ka caktuar ndaj tij masën e sigurisë “Arrest në burg”.

Njoftimi i Policisë
Kapet dhe vihet në pranga një 27 vjeçar i shpallur në kërkim. Nga strukturat e Komisariatit të Policisë Pukë, në vijim të punës për kapjen e personave të shpallur në kërkim, u bë kapja dhe ndalimi i personit në kërkim K.D., 27 vjeç, lindur dhe banues në Njësinë Administrative Qafë Mali, Bashkia Fushë Arrës.

Ndaj këtij shtetasi Gjykata e Rrethit Gjyqësor Pukë ka caktuar masën e sigurimit “Arrest në burg”, i dyshuar  për kryerjen e veprave penale “Marrëdhënie seksuale me dhunë me të rritura” dhe “Vjedhje me dhunë”.

Në datë 17.08.2019, në qytetin e Berlinit - Gjermani, i është kërkuar ndihmë patrullës së Policisë gjermane, e cila ka konstatuar se një shtetase 32 vjeçare ka qenë duke shkuar në banesën e saj dhe gjatë rrugës është sulmuar nga një shtetas, i cili ka ushtruar dhunë ndaj saj duke tentuar të kryente  marrëdhënie seksuale me dhunë dhe i ka marrë portofolin me para, të cilin e kishte në çantën e saj.

Pas njoftimit të banorëve nga ndihma e kërkuar nga 32 vjeçarja, autori i veprës penale është larguar nga vendi i ngjarjes, por në vendngjarje janë gjetur prova materiale e shkencore, nëpërmjet të cilave ai është identifikuar nga Policia.

Dosja nga Prokuroria e Berlinit në Gjermani është dërguar së bashku me provat materiale në Prokurorinë e Rrethit Gjyqësor Pukë, në ngarkim të shtetasit K.D., banues në Fushë Arrës, i pandehur dhe në kërkim ndërkombëtar.

Prokurori ka regjistruar procedimin penal Nr.55, datë 16.11.2021. Gjykata e Rrethit Gjyqësor Pukë më datë 26.11.2021, ka caktuar ndaj tij masën e sigurisë “Arrest në burg”.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Basha akuzon se ka aleancë PS-Rithemelimi kundër SPAK, e besoni?

Lajme të tjera



×

Lajmi i fundit

Prokuroria e Tiranës urdhëron riekspertim të shkaqeve të zjarrit në Urgjencën e QSUT

Prokuroria e Tiranës urdhëron riekspertim të shkaqeve të zjarrit në Urgjencën e QSUT

16 Prill, 09:36 nga Keti Banushi