I zhdukur prej 10 ditësh, 50-vjeçari ishte larguar edhe 5 herë të tjera nga banesa! U kishte thënë shokëve se do shkonte në Vlorë, por humbi kontaktet

I zhdukur prej 10 ditësh, 50-vjeçari ishte larguar edhe 5 herë të tjera nga banesa! U kishte thënë shokëve se do shkonte në Vlorë, por humbi kontaktet

I zhdukuri Arjan Shabanaj

Arjan Shabanaj, 50 vjeç,  nga Selenica e Vlorës, i cili rezulton i zhdukur prej 10 ditësh, nuk është hera e parë që largohet nga banesa pa lajmëruar familjarët. Ai është larguar nga banesa edhe 5 herë të tjera më parë dhe në ato raste ka qëndruar te miqtë e tij në Tiranë. Mirëpo zhdukja e tij më 21 prill pasi mori pjesë në një miting të PD në Selenicë ka sjellë denoncimin e nënës së tij, e cila frikësohet se mund t'ia kenë vrarë për arsye politike. Arjan Shabanaj u kishte thënë shokëve që do të shkonte në Vlorë, por më pas është zhdukur, ndërsa tek miqtë e tij ku rrinte kur shkonte në Tiranë, thanë se nuk dinin asgjë për 50-vjeçarin.

50-vjeçari Shabanaj është i divorcuar, ndërsa një ditë më parë nëna e tij me lot në sy kërkonte që t'i gjenin të birin. Ajo shprehet se të birin ia kanë varrë për arsye politike , por kërkonte që t'i kthenin trupin, pasi shpresat e saj se 50-vjeçari është gjallë janë të pakta.

 "Tek policia s'jam e kënaqur kam vajtur me shkop nga dy-tre herë në ditë dhe më thoshin ik mos u shqetëso se ai gatuan për Bashën. Ai iku pa asgjë, pa kartën e identitetit. Ma bënë të zezën ma bënë. Dyshimin e kam tek politika, djalin ma vranë socialistët. Që atë natë ia kanë bërë të zezen se nëna e ndien", tha një ditë më parë Tefta Shabanaj, nëna e 50-vjeçarit të zhdukur prej 10 ditësh

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Rrypi i Selenices: 01/05/2021 12:53

    Atehere ,zonja mami e di mire ku eshte i biri.Mund te jete loje familiare ne kete situate zgjedhore e postzgjedhore.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Interi beson te Inzaghi, rinovon deri në vitin 2027

Interi beson te Inzaghi, rinovon deri në vitin 2027