'Integrimi', Duma: Po paguajmë dy administrata, kosto te qytetarët

Deputetja e Partisë Demokratike, Grida Duma ka ngritur shqetësimin, gjatë diskutimeve në komisionin parlamentar të Integrimit, lidhur me shkarkimet nga administrata dhe proceset gjyqësore të fituara nga ish-punonjësit. Sipas saj, aktualisht qeveria po paguan dy administrata, ata që janë në punë dhe të shkarkuarit sipas saj padrejtësisht, të cilët kanë fituar gjyqin.

"Kur pritet hapja e negociatave, qeveria pushoi eskpertët më të mirë të integrimit. Taksapaguesit shqiptarë po paguajne dy administrata, një të punësuar dhe një administratë të tërë që paguhet pasi ka fituar proceset gjyqësore për heqje të padrejtë nga puna. Nuk ka asnjë përgjegjës për këtë dëm financiar që rëndon në xhepat e shqiptarëve. Vetëm në një vit janë paguar 3.1 miliard lekë për dëmet e heqjeve nga puna padrejtësisht. Nga periudha mars 2014 - dhjetor 2014 janë paguar mbi 3.3 miliard lekë. 

11 mijë procese gjyqësore janë proceduar për heqjet e padrejta nga puna. Po ashtu stafi i integrimit europian është përgjysmuar ndërkohë që është i pari që duhet të ishte mbrojtur sepse është shpenzuar miliona euro per trajnimin e tyre nga Brukseli. Në këtë vit kur pritet hapja e negociatave humbja e stafeve të specializuar për integrimin është një humbje për gjithë shqiptarët. Kemi diskutuar më parë që kontratat e këtij stafi të specializuar duhet të ishin specifike për mbajtjen e tyre në administratë. Heqja e tyre nga puna nuk tolerohet". 

LEXO EDHE:
Administrata ofron shërbimet online dhe bën shumë pushime! Si ka ndryshuar numri i të punësuarve në shtet

Grida Duma, deputete e PD

TAG:
• Grida Duma
• administrata
• shkarkime nga puna

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  19.2%

• Jo

  72.1%

• Nuk e di

  8.6%

Vota total: 3077

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di