Integrimi në BE dhe rindërtimi, Rama sot në Bruksel, takon përfaqësuesit e lartë të BE-së! Shoqërohet nga Xhaçka, Mazi e Balla

TIRANË- Kryeministri Edi Rama ndodhet sot në Bruksel, në kuadër të Këshillit të 11-të Stabilizim Asocimit. Përmes disa fotove të publikuara në rrjetet sociale, Rama bën të ditur se është takuar me Shefin e Politikës së Jashtme të BE, Josep Borrell dhe Komisionerin për Zgjerimin Oliver Varhelyi.

Gazetari i Report Tv, Ermal Qori bën me dije se kreu i qeverisë pritet të zhvillojë një takim presidenten e Komisionit Europian Ursula von der Leyen, ku në fokus të bisedimeve janë ecuria e integrimit të Shqipërisë në BE dhe për fondet e rindërtimit.

 Rama shoqërohet në këtë takim nga ministrja e Jashtme, Olta Xhaçka, kreu i grupit parlamentar të PS Taulant Balla dhe kryenegociatori i Shqipërisë për Integrimin, Zef Mazi.

 Ky takim vjen në një kohë kur Rama ka qenë shumë kritik ndaj BE-së sa i përket shpërndarjes së vaksinave, duke e cilësuar si egoiste.

Gjithashtu, ndalur te vaksina, Rama paralajmëroi një vizitë në vendin mik të BE-së duke thënë se do na dhuronte një sasi me doza, por pa e specifikuar nëse bëhet fjalë. Mbetet për t'u parë nëse ku vend zemër gjerë do të jetë Brukseli, apo Italia, shtet në të cilin Rama do të shkojë më 5 dhe 6 mars me rastin e 30-vjetorit të eksodit masiv të shqiptarëve.

Rendit zhvillimet sipas orarit:
Ora 13:00
Rama në Bruksel, takon Josep Borrell dhe Oliver Varhelyi! Shoqërohet nga Mazi, Xhaçka dhe Balla (FOTO)

Kryeministri Edi Rama ka shkuar ditën e sotme në Bruksel për këshillin e 11 të Stabilizim Asociimit.

Ministrja e Jashtme Olta Xhaçka ka shpërndarë në rrjete sociale foto nga Brukseli, ku vihet re se Rama ka takuar Shefin e Politikës së Jashtme të BE, Josep Borrell dhe komisionerin europian për zgjerim, Oliver Varhelyi.

Në këtë takim Rama shoqërohet nga ministrja Olta Xhaçka, kreu i grupit parlamentar të PS Taulant Balla dhe kryenegociatori i Shqipërisë për Integrimin, Zef Mazi.

Ora 12:50
Bashkë me Ramën në Bruksel për Integrimin në BE, Balla shprehet optimist: Lajme shumë të mira sot!

Kreu i grupit parlamentar të PS-së Taulant Balla përmes një postimi në rrjetin e tij social Facebook, deklaroi nga Brukseli se ka lajme shumë të mira në lidhje me Integrimin e Shqipërisë në BE.

“Shumë i nderuar të takohemi përsëri në Parlamentin Europian me Presidentin e Parlamentit Europian David Sassoli, Raporteren për Shqipërinë në Parlamentin Europian Isabel Santos (Grupi Socialist dhe Demokrat), me Zëvendës Presidentin e Grupit të Partive Popullore Europiane Andrei Kovatchev dhe me Kryetarin e Komitetit Parlamentar të Stabilizim Asocijimit BE-Shqipëri Manolis Kefalogiannis.”, shkruan Balla.

B.K.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ministri Mete në Këshillin Ekonomik Kombëtar: Javën e ardhshme miratojmë detajet e Garancisë për sektorin fason

Ministri Mete në Këshillin Ekonomik Kombëtar: Javën e ardhshme miratojmë detajet e Garancisë për sektorin fason