POP 5

Lajmet më të lexuara të 5 minutave të fundit

Sport

Inter-in e ndal edhe Spezia, Juventus rikthehet te fitoret! Real 'hakmerret' kundër Cadiz, trajneri 29-vjeçar i Tottenham e nis me 3 pikë

Ndonëse ka barazuar 1-1 kundër Spezias, Inter ka rritur diferencën me Milanin ndjekës në Seria A. Ndërkohë Juventus është rikthyer te fitoret, ndërsa në La Liga Real Madrid nuk i ka diskutuar tre pikët kundër Kadiz, që I kishte mposhtur ‘galaktikët’ në fazën e parë.

Pas barazimit me Napolin, Interi kryesues i Seria A nuk ka shkuar më shumë se rezultati 1-1 as në përballjen me Spezia-n, që ishte e vlefshme për javën e 32 të kampionatit. Por pavarësisht kësaj zikaltërit nuk kanë vendosur asgjë në diskutim për objektivin titull, madje kanë rritur diferencën, pasi Milan i vendit të dytë ka humbur kundër Sassuolo-s.

Përsa i përket ndeshjes të besuarit e Conte-s u shtangën në minutën e 12 për shkak të Farias dhe një goli të evitueshëm nga kapiteni Handanovic. Gjithsesi në minutën e 39 Perisic barazoi për zikaltërit.

Inter aktualisht është në kuotën e 76 pikëve, 10 më shumë se Milan i vendit të dytë, që dje u mposht 1-2 me përmbysje kundër Sassuolo-s. ‘Djalli’ realizoi i pari me Calhanoglu, ndërsa miqtë përmbysën me ‘dopietën’ e Raspadorit. Me këtë humbje Milan rrezikon vendin e dytë, në rast se Atalanta arrin të mposhtë sonte Romën.

Ndërkohë Juventus është rikthyer te fitoret, pasi ka mposhtur 3-1 me përmbysje Parmën. Brugman iu përgjigj Alex Sandro në pjesën e parë, ndërsa braziliani përmbysi në pjesën e dytë. Më pas de Ligt la gjurmën e tij në këtë sfidë. 3 pikët ishin shumë të rëndësishëm për ‘zonjën e vjetër’, që rrezikon të kualifikohet në Champions League.

Në La Liga edhe Real Madrid është rikthyer te fitoret. ‘Galaktikët’ nuk i kanë diskutuar tre pikët, duke e mposhtur 0-3 Cadiz falë golave të Odriozolës dhe ‘dopietës’ së Benzema-s.

Në Premier League trajneri 29-vjeçar i Tottenham Mason e ka nisur me fitore aventurën e tij te ‘spursat’. Londinezët mposhtën 2-1 me përmbysje Southampton falë golave të Bale dhe Soon. Sakaq 3 pikët ka marrë edhe City që likuidoi 1-2 Aston Villa-n. Një fitore që e çon një hap larg zyrtarizimit si kampion.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Balla takon Presidentin e Emirateve të Bashkuara Arabe, Muhammed Bin Zayed Al Nahyan: Zgjerim i bashkëpunimit në fushat e policisë dhe sigurisë

Balla takon Presidentin e Emirateve të Bashkuara Arabe, Muhammed Bin Zayed Al Nahyan: Zgjerim i bashkëpunimit në fushat e policisë dhe sigurisë

24 Prill, 20:18