Ish-deputetja australiane ngre akuza të forta për ministrin, Banks: Me ka ngacmuar seksualisht në një seancë parlamentare

AUSTRALI- Ish-deputetja e Australisë, Julia Banks, ka ngritur një akuzë të fortë ndaj një ministri aktual në qeveri, e cila është shprehur se ai ka tentuar ta ngacmojë seksualisht gjatë një seance në parlament.

Sipas ish-deputetes kjo ngjarje ka ndodhur në 2017, në një kohë kur ministri u njoftua se ajo do të largohej nga parlamenti. Bank e ka rrëfyer këtë situatë në një fragment nga kujtimet që ajo ka botuar së fundmi por nuk pranoi të identifikonte ministrin në fjalë.

“Ministri erdhi dhe u ul pranë meje, më vuri dorën mbi gju, e vazhdoi ta ngrinte lart ngadalë duke më prekur kofshën në pjesën e brendshme. Që një ministër ta bëjë këtë në krahun e kryeministrit, i cili ishte plot me deputetë të Koalicionit [qeverisë], ai duhej të ishte jashtëzakonisht i pacipë”, tha Banks.

LEXO EDHE:
Rita Ora fshihet pas çantës 26 mijë euroshe, veprimi i këngëtares ndez debat në rrjet

Lidhur me këto pretendim ka reaguar dhe zyra e Kryeministrit australian, Scott Morrison, duke i cilësuar sjellje të tilla të papranueshme dhe duke theksuar se nuk ishin në dijeni të kësaj situate më parë.

SI.E./Shqiptarja.com

TAG:
• Australi
• Julia Banks