Ish-i dashuri e vrau dhe e murosi, momenti kur policia spanjolle thyen me çekiç murin ku u gjet trupi i shqiptares, analiza e ADN do vërtetojë nëse është i Sibora Gaganit

Kjo është videoja e momentit kur punonjësit e policisë spanjolle kanë gjetur të fshehura në murin e një banese në Malaga, eshtrat që dyshohet se janë të shqiptares Sibora Gegani e cila u vra në 2014-ën.

Zbulimi i eshtrave të shqiptares, vjen pas dëshmisë që ka dhënë ish i dashuri i saj Marco Remeo i cili ka deklaruar se në 2014-ën e ka vrarë Geganin dhe e ka murosur atë në murin e banesës. Ai zbuloi më tej detaje më makabër, duke thënë se kishte përdorur me acid për të zhdukur trupin e shqiptares.

Eshtrat e gjetura në një qese plehrash brenda murit në banesë, do t’i nënshtrohen ekspertizës për të përcaktuar nëse i përkasin të ndjerës Sibora Tagani.

Sibora Gagani u shpërngul në një banesë me italianin në Costa del Sol në vitin 2011 dhe u zhduk më 7 korrik 2014.  Në atë kohë, Gagani ishte 22 vjeç dhe punonte si kamariere në qytetin Costa del Sol.

Nga ana tjetër, nëna e shqiptares në një intervistë të dhënë për median italiane 'La Republicca' është shprehur se shpreson se vajza e saj është gjallë dhe do të kthehet një ditë. 

B.V/Shqiptarja.com

TAG:
• spanje
• Marco Remeo
• Sibora Gegani