Dy turistët gjermanë që ishin zhdukur prej rreth 48 orësh në zonën e thellë malore të Polisit, në territorin e Bashkisë Librazhd, janë gjetur në gjendje të mirë shëndetësore.

Sipas informacioneve, ata janë gjetur në zonën e fshatit Stavraj dhe po shkojnë drejt Përmetit dhe po i bashkohen grupit të giudës, që i shoqëronte gjatë udhëtimit në zonat malore.

Menjëherë pas marrjes së njoftimit për zhdukjen e tij, emergjencat civile dhe banorë të zonës kanë ndërmarrë operacionin e kërkimit në këtë terren të vështirë malor ku siç mësohet valët e linjave telefonike janë problem.

Turistët kanë qenë duke shëtitur zonën me automjet dhe si pasojë e një defekti në mjet, e kanë braktisur atë. Më pas ata kanë dalë në rrugë dhe kanë gjetur një furgon që po qarkullonte në atë zonë, i cili edhe i ka marrë. Fatmirësisht ata tani janë shëndoshë e mirë.

Rendit zhvillimet sipas orarit:
Ora 12:25
Zhduken dy turistë gjermanë në malet e Polisit në Librazhd, prej 48 orësh pa kontakte edhe me guidën që i shoqëronte

Dy turistë gjermanë janë zhdukur në zonën e thellë malore të Polisit, në territorin e Bashkisë Librazhd, ndërsa prej rreth 48 orësh nuk ka asnjë kontakt me ta.

Sipas informacioneve paraprake, kontaktet janë humbur edhe me guidën që i shoqëronte gjatë udhëtimit në zonën malore.

Pas marrjes së njoftimit,emergjencat civile dhe banorë të zonës kanë ndërmarrë operacionin e kërkimit në këtë terren të vështirë malor ku siç mësohet valët e linjave telefonike janë problem. 

Lajmi në përditësim

U.D/Shqiptarja.com