Ish-shoqëruesit e Saimir Tahirit në trafik droge, Basha:  Asgjë nuk lëvizte e nuk lëviz pa lejen e 'bablokut'

Ish-shoqëruesit e Saimir Tahirit në trafik droge, Basha:  Asgjë nuk lëvizte e nuk lëviz pa lejen e 'bablokut'

Lulzim Basha

Kryetari i Partisë Demokratike, Lulzim Basha, ka reaguar para pak minutave në lidhje me mega operacionin e bërë nga SPAK dhe antimafia italiane kundër trafikut të drogës.

Basha i është referuar faktit që 2 prej të arrestuarve janë 2-ish shoqëruesit e ish-ministrit të Brendshëm, Sajmir Tahiri. Basha shkruan se kjo nuk është diçka e re pasi sipas tij të gjithë e dinë se asgjë nuk lëvizte pa lejen e 'bablokut', duke iu referuar Kryeministrit Rama.

“Tahiri? Bodigardët e Tahirit? Çfarë ka të re? Të gjithë e dinë se asgjë nuk lëvizte e nuk lëviz pa lejen e bablokut! Të gjithë,”-shkruan Basha.

Në kuadër të operacionit "Shpirti", 38 ishin urdhër-arrestet e lëshuara lëshuar nga SPAK, 10 të ekzekutuar në 2020, ndërkohë që 28 të tjerët janë ekzekutuar disa ditë më parë. Arrestimet janë bërë në Shqipëri, Itali, Mali i Zi dhe Spanjë. Ndër të arrestuarit ishin Agustin Deda dhe Hekuran Marku, në kohën e kryerjes së veprave penale – në vitin 2016- kanë qenë shoqërues të të ish – Ministrit të Brendshëm të asaj kohe Saimir Tahiri.

Deda dhe Marku kanë qenë organizatorët e trafikut dhe janë të arrestuar në Spanjë. Arrestimi i tyre dhe zbulimi i këtij rrjeti trafikantësh të lëndëve narkotike u bë kur Deda dhe Marku trafikuan në rrugë detare nga Shqipëria drejt Italisë ngarkesën 1016 kilogramë kanabis, e cila i është sekuestruar në Bari me 21 dhjetor 2016 skafisteve Fiqiret Seferi dhe Ferhat Ajdini.

Rendit zhvillimet sipas orarit:
Ora 18:15
Operacioni 'Shpirti', Braimllari: E kishim denoncur më parë fikjen e radarëve! Rama drejton trafikun e drogës

Detajet nga dosja 'Shpirti' kanë nxjerrë sot në pah pushtetin që kishte koka e grupit Ilirjan Ducellari, pasi efektivë të policisë i mundësonin atij fikjen e radarëve për kalimin e drogës nëpërmjet detit, në këmbim të 15.000 eurove.

Për këto detaje ka ardhur një reagim nga Sekretari i Përgjithshëm i LSI, Endrit Braimllari i cili thotë se e kanë denoncuar më parë fikjen e radarëve nga ana e policisë të cilët favrizonin trafikun e drogës. Sipas tij, pushteti i Edi Ramës e drejton trafikun e drogës në vendin tonë.

"Pushteti i Edi Ramës drejton trafikun e drogës. E kemi denoncuar prej kohësh që radarët fiken me urdhër të policisë për të favorizuar trafikun e drogës. Çdo strukturë shtetërore e Edi Ramës është e përfshirë në trafik. Trafiku i drogës mban peng të ardhmen e vendit", shkruan Braimllari.

K.T./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Hasan canaj: 05/07/2021 19:01

    Si mund te jesh I sigurt kur po kryen vrasje ne gjith shqiprin:mund te ndodhesh ne mes te plumbave ne cdo moment. Gjynah per ate popull...

    Përgjigju
  • Iris: 05/07/2021 02:10

    Ne rradhe te pare nuk besoj qe S.Tahiri te dinte gje,perkundrazi mendoj qe rojet kane perdorur te qenit shume afer tij si kamuflazh per veprimet e tyre.Kush do dyshonte,ose te mendonte qe dy njerez, aq afer tij, mund te merreshin me trafik droge ? Ka qene nje veprim i miremenduar prej tyre,i rrezikshem,por i guximshem.Dhe sa per /bablokun/qe thua,pa lejen e dijenine e te cilit nuk levizte asgje,nuk besoj se ia arrin atij /bablokut/ tend te Vicidolit.Te dha O.K. sot per kete deklarate qe bere ? Se dhe ti nuk merr fryme po s'te tha ai.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Putin: Do të godasim F-16-të e përdorur kundër Rusisë kudo që të jenë! Mohon mundësinë për të sulmuar Evropën: Marrëzi

Putin: Do të godasim F-16-të e përdorur kundër Rusisë kudo që të jenë! Mohon mundësinë për të sulmuar Evropën: Marrëzi