Ishte në arrest shtëpie për vrasjen e një karabinieri, arratiset vrasësi i 'Ndrangheta-s! Thyen byzylykun elektronik

ITALI- Vrasësi i Ndranghetës, Massimiliano Sestito është arratisur nga shtëpia, ku ishte në arrest shtëpie. Mësohet se 52-vjeçari tashmë i dënuar me 30 vite për vrasjen e policit Renato Lio, i vrarë më 20 gusht 1991 gjatë një postblloku në Soverato, ishte në pritje të një dënimi nga Gjykata e Lartë për një tjetër vrasje, atë të bosit Vincenzo Femia, një eksponent kryesor në skenën kriminale të kryeqytetit. 

Mbrëmjen e së hënës karabinierët kanë bërë një kontroll, ku zbuluan se 52-vjeçari nuk ishte në shtëpi. Sestito dyshohet se theu byzylykun elektronik për të shpëtuar.

I dënuar me burgim të përjetshëm në shkallë të parë, ai u shpall i pafajshëm në vitin 2019 nga Gjykata e Apelit të Romës. Ai ishte liruar nga burgu në Terni dhe iu nënshtrua arrestit shtëpiak nga 12 janari në pritje të vendimit të Gjykatës së Lartë të caktuar për 3 shkurt. Sestito, është konsideruar si i lidhur me bandën "Iozzo-Procopio-Chiefari" nga Catanzaro, teksa kjo nuk është hera e parë që i është arratisur autoriteteve. 

Një lajm i tillë “ka ngritur të gjithë në këmbë”, për faktin se si një kriminel i këtij lloji të lihej në arrest shtëpie. Një prej tyre ishte dhe zv.kryeministri dhe ministri i transportit e Infrastrukturës, Mateo Salvini.

“Kush është gjyqtari që kishte vendosur që një vrasës që duhej të ishte në burg të lihej në arrest shtëpie?”, ka deklaruar Salvini.

B.K./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet