Ishte në kërkim ndërkombëtar për trafik droge, policia e Durrësit dhe Interpoli vë në pranga 46-vjeçarin

Ishte në kërkim ndërkombëtar për trafik droge, policia e Durrësit dhe Interpoli vë në pranga 46-vjeçarin

Policia e Durrësit në bashkëpunim me Interpol Tirana ka arritur të vërë në pranga një 46-vjeçar i cili ishte në kërkim ndërkombëtar. Në njoftimin e bërë nga policia thuhet se krahas zbatimit të masave kufizuese të ndërmarra për parandalimin e përhapjes së COVID-19 vijon edhe puna për parandalimin, evidentimin dhe goditjen e paligjshmërisë. Personi në fjalë është dënuar nga gjykata e Torinos me 13 vjet e 4 muaj burg.

Njoftimi i Policisë së Durrësit:

Bashkëpunimi dhe koordinimi i veprimeve mes DVP Durrës dhe Interpol Tirana vë në pranga një të kërkuar, i dënuar në Itali për veprimtari kriminale në fushën e narkotikëve.

Strukturat e Policisë Durrës, krahas angazhimit maksimal për monitorimin e zbatimit të masave kufizuese të ndërmarra për parandalimin e përhapjes së COVID-19, vijojnë punën për parandalimin, evidentimin dhe goditjen e paligjshmërisë, kapjen e personave që qarkullojnë me armë dhe lëndë narkotike, si dhe atyre të shpallur në kërkim kombëtar dhe ndërkombëtar.

Në këtë kuadër, specialistët për Hetimin e Trafiqeve dhe Narkotikëve në Drejtorinë Vendore Durrës, në bashkëpunim me Interpol Tirana, në bazë të informacioneve të marra në rrugë operative, bënë të mundur kapjen e shtetasit në kërkim ndërkombëtar:

Artur Vaqo, 46 vjeç, banues në Durrës.

Gjykata e Torinos, këtë shtetas e ka dënuar me 13 vjet e 4 muaj burg, për kryerjen e veprave penale "Drejtim i organizatës kriminale, me qëllim trafikun ndërkombëtar të lëndëve narkotike" dhe "Përdorimi i armëve të zjarrit", parashikuar nga Kodi Penal italian.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Të dielën takohen në ring, Florian Marku 'kërcënon' rivalin: Duhet të më hedhë 'KO', nuk jam këtu rastësisht

Të dielën takohen në ring, Florian Marku 'kërcënon' rivalin: Duhet të më hedhë 'KO', nuk jam këtu rastësisht