Ishull-Lezhë, ujërat e zeza bllokojnë hyrjen e pallatit! Bashkia: Presim kredinë për të investuar në kanalizime

Këto janë pamjet në hyrje të një pallati 3-katësh në fshatin Ishull-Lezhë. Objekti ndodhet 3 km larg qytetit të Lezhës dhe është mbuluar nga ujerat e zeza.

Problematika vazhdon prej 1 muaji, duke u kthyer në rrezik për shëndetin e banorëve.

“Mban ere shumë e rëndë. Nuk hap dot derën e dyqanin. Njerëzit nuk kanë nga kalojnë, gjithë rruga me ujëra të zeza. Ka disa ditë kështu”, tha një banor.

Ndotja është shqetësim edhe në rrugën poshtë tregut të qytetit të Lezhës. Ujërat e zeza kanë dalë në sipërfaqe, duke vështirësuar lëvizjen e këmbësoreve si dhe penalizuar bizneset e familjaret që jetojnë në këtë zonë.

“Jemi ankuar në bashki, por askush nuk vjen për të zhbllokuar pusetat dhe pastruar”,- tha një tjetër banor.

Si zgjidhje të këtyre problematikave, Bashkia Lezhë sheh zbatimin e projektit të kanalizimeve të ujerave të bardha dhe të zeza në qytetit, investim i cili pritet të nisë së shpejti me financim të Bankës Gjermaneve për Zhvillim.

K.M//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kuvendi kërkon që Greqia të heqë ligjin e luftës, si e vlerësoni?



×

Lajmi i fundit

Balla thirrje deputetëve: Bëhuni zjarrfikës vullnetar

Balla thirrje deputetëve: Bëhuni zjarrfikës vullnetar