Ish-zv.kryeministrja e Kosovës: Ndëshkimi i Ramës, zgjedhjet e djeshme na kthyen 3o vite pas

Ish-zv.kryeministrja e Kosovës Edita Tahiri ka komentuar zgjedhjet e djeshme lokale në Republikën e Shqipërisë.

Sipas saj këto zgjedhje ishin moniste dhe një kthim prapa i arritjeve 30 vjeçare të demokracisë.

Tahiri është e mendimit se kryeministri Rama u ndëshkua për lojërat me kufijtë, që sipas saj janë të rrezikshme.

Në përfundim, ajo është shprehur se pjesëmarrja e ulët në votime është një ndëshkim për kryeministrin e vendit.

Reagimi i plotë:

Edita Tahiri "Rama u ndëshkua edhe për lojërat e rrezikshme për kufijtë"
Me vemendje përcolla zgjedhjet moniste të nivelit lokal dje ne Shqipëri. E lumtur që kaluan në një atmosferë civilizuese, qytetaret dëshmuan se civilizimi jonë si komb shqiptar është i lashtë. E dëshpruar, se këto zgjedhje ishin një kthim prapa nga arritjet 30 vjeqare për demokraci dhe pluralizëm në Shqipëri. Vetë fjala "zgjedhje" don të thotë që qytetari duhet të ketë mundësinë të zgjedh mes disa alternativave, ndaj ky edhe është një parim themelor i demokracisë. Dalja minimale e qytetarëve në këto zgjedhje dhe bojkoti i tyre nga më shumë se 80 përqind e votuesve, ishte një ndëshkim i fortë ndaj Edi Rames për shumë arsye. Rama u ndëshkua edhe për lojërat e rrezikshme për kufijtë, që do ta dëmtonin shtetin e Kosovës.

Lajmi kryesor:

Kryemadhi reagon pas zgjedhjeve: Dështoi ngritja e shtetit monist, tani fillon beteja jonë

TAG:
• zgjedhjet lokale 2019