Mediat italiane: Fishekët e gjetur dje në portin e Durrësit, do të përdoreshin për grabitje mjetesh

Fishekët e gjetur në portin e Durrësit ditën e djeshme, do të shiteshin në tregjet klandestine dhe do të përdoreshin për grabitje automjetesh që transportojnë para. Kështu raportojnë mediat italiane për dy shqiptarët nga Fieri, të cilët u kapën të djelën me një karikator automatiku e mbushur me 30 fishekë të kalibrit 7.62 mm dhe një pako me 20 fishekë model 56 të kalibrit 7.62 mm.

Destinacioni i tyre ishte Bari, ku do të tregtonin fishekët. Në raportimin e fundit të antimafias italiane në rajonin Puglias, grupet kriminale vendase në bashkëpunim me grupet kriminale shqiptare janë të specializuara kryesisht në trafik lëndësh narkotike e armësh.

m.v./Shqiptarja.com
Komento